ཨམ་སྐད་གླེང་སྟེགས་ཞེས་བའི་དྲ་ཚིགས་གསར་བ་ཞིག་ཤར་གཏོང་བྱས་པ།

ཉེ་སྔོན།ཨམ་སྐད་གླེང་སྟེགས་དྲ་བ་དངོས་སུ་སྒོ་ཕྱེས་པ་རེད། ཨམ་སྐད་གླེང་སྟེགས་ཞེས་པའི་དྲ་ཁྱིམ་ཆུང་བ་འདི་བསྒྲུབས་དོན་ནི། བོད་ཀྱི་སྐད་དང་ཡི་གེ་འཛིན་སྐྱོང་སྤེལ་གསུམ་གནང་མཁན་སྤྱི་དང་། སྒོས་སུ་ཨམ་སྐད་ཞིབ་འཇུག་གི་ལས་ལ་སྤྲོ་སྣང་ལྡན་མཁན་དང་དོ་ཁུར་གནང་མཁན་ཚོས། དྲ་ལམ་འདིར་བརྒྱུད་ནས་ཨམ་སྐད་ཁྲོད་སྒྲ་ཇི་བཞིན་དུ་ཡི་གེ་འབྲི་སྲོལ་བྱུང་མེད་པའི་ཡུལ་ལུང་ཁག་གི་བརྡ་ཆད་མང་པོ་འདོན་སྤྲོད་བྱ་རྒྱུ་དང་། ཐུན་མོང་གི་བློ་གྲོས་དང་ལྷན་ཏུ་དེ་དག་ལ་བརྟག་ཅིང་དཔྱད་ནས་ཚད་ལྡན་གྱི་ཡི་གེ་ཇི་ལྟར་བྲིས་ན་འོས་ཚུལ་ལ་བགྲོ་གླེང་བྱེད་པ་ཡིན།

  གཞན་ཡང་བོད་ཀྱི་སློབ་ལོ་མ་རན་པའི་བྱིས་པ་ནས་སློབ་ཆུང་ལོ་རིམ་དང་པོའི(ལོ3-7 བར།)བར་གྱི་བྱིས་པ་དག་གི་ཁྱིམ་ཚང་སློབ་གསོའི་གནས་བབ་ཇི་འདྲ་དང་། དེ་ལེགས་ལམ་དུ་སྒྱུར་ཐབས་གང་དག་ཡོད་པ། མི་རིགས་གཞན་དང་རྒྱལ་ཁབ་གཞན་པའི་ཁྱིམ་ཚང་སློབ་གསོའི་གནས་བབ་ཚད་ཇི་འདྲ་ཞིག་ཏུ་སླེབས་ཡོད་ཚུལ་སོགས་གླེང་ནས་སོ་སོ་རང་རང་གང་ལ་གང་འཇོན་གྱི་ངོས་སྐལ་ནས་ལྟ་བ་ལྷུག་བརྗོད་དང་གྲོས་མགོ་འདོན་རེས་གནང་ཆོག་པའི་འཆད་སྟེགས་ལྟ་བུ་ཞིག་འདོན་སྤྲོད་བྱས་ཡོད།

  དྲ་གནས། www.amskd.com