ལིས་ཁི་ཆང་གིས་ཁ་ན་ཏའི་ཙུང་ལི་ཐི་ལུའུ་ཏོ་དང་མཉམ་དུ་ཀྲུང་གོ་དང་ཁ་ན་ཏའི་ཙུང་ལིའི་གྲོས་མོལ་ཐེངས་གཉིས་པ་བསྡུས།

ཟླ་བཅུ་གཉིས་པའི་ཚེས་བཞི་ཉིན་གྱི་ཕྱི་དྲོར། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལིས་ཁི་ཆང་གིས་མི་དམངས་ཚོགས་ཁང་ཆེན་མོའི་ནང་ཁ་ན་ཏའི་ཙུང་ལི་ཐི་ལུའུ་ཏོ་དང་མཉམ་དུ་ཀྲུང་གོ་དང་ཁ་ན་ཏའི་ཙུང་ལིའི་གྲོས་མོལ་ཐེངས་གཉིས་པ་བསྡུས། གྲོས་མོལ་མ་མཛད་པའི་སྔོན་ལ། ལིས་ཁི་ཆང་གིས་མི་དམངས་ཚོགས་ཁང་ཆེན་མོའི་ནང་དགའ་བསུ་ཞུ་བའི་མཛད་སྒོ་བསྡུས་ཏེ། ཁ་ན་ཏའི་ཙུང་ལི་ཐི་ལུའུ་ཏོ་རང་རྒྱལ་ལ་དངོས་གཞིའི་འཚམས་འདྲིར་ཡོང་བར་བསུ་མ་བྱས།

ཟླ་བཅུ་གཉིས་པའི་ཚེས་བཞི་ཉིན་གྱི་ཕྱི་དྲོར། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལིས་ཁི་ཆང་གིས་མི་དམངས་ཚོགས་ཁང་ཆེན་མོའི་ནང་ཁ་ན་ཏའི་ཙུང་ལི་ཐི་ལུའུ་ཏོ་དང་མཉམ་དུ་ཀྲུང་གོ་དང་ཁ་ན་ཏའི་ཙུང་ལིའི་གྲོས་མོལ་ཐེངས་གཉིས་པ་བསྡུས།

ལིས་ཁི་ཆང་གིས་ཀྲུང་གོ་དང་ཁ་ན་ཏའི་འབྲེལ་བ་འཕེལ་རྒྱས་སུ་སོང་བར་གདེང་འཇོག་ཆེན་པོ་བྱས་པར་མ་ཟད། རྒྱལ་ཁབ་གཉིས་ཀྱི་ཙུང་ལིའི་གྲོས་མོལ་དང་དེ་མིན་ཕྱི་འབྲེལ་ཐུག་འཕྲད་དང་དཔལ་འབྱོར་ནོར་སྲིད་འཐབ་ཇུས་གྲོས་མོལ། རིམ་པ་མཐོ་བའི་རྒྱལ་ཁབ་བདེ་འཇགས་དང་ཁྲིམས་སྐྱོང་གྲོས་མོལ་སོགས་རྐྱེན་སྲོལ་གྱིས་ནུས་པ་ཆེན་པོ་བཏོན་པར་ཁས་ལེན་བྱས། ཁོང་གིས་གསུངས་རྒྱུར། ཀྲུང་གོ་དང་ཁ་ན་ཏ་ནི་ཨེ་ཤ་ཡ་དང་ཞི་བདེ་རྒྱ་མཚོ་ཆེན་མོའི་ས་ཁུལ་གྱི་རྒྱལ་ཁབ་གཙོ་བོ་དང་འཛམ་གླིང་གི་ཉོ་ཚོང་རྒྱལ་ཁབ་ཆེན་པོ་ཡིན་པ་དང་། ཉོ་ཚོང་དངུལ་གཏོང་རང་མོས་ཅན་དང་སྟབས་བདེ་ཅན་དུ་འགྱུར་བར་སྐུལ་འདེད་གཏོང་བའི་གནད་དོན་ཐད་ལ་ནུས་པ་ཆེན་པོ་བཏོན་པ་དེ་ཕྱོགས་གཉིས་ཀྱི་ཐུན་མོང་གི་ཁེ་ཕན་དང་མཐུན། ཀྲུང་གོའི་ཕྱི་ཕྱོགས་སྒོ་འབྱེད་ཀྱི་སྒོ་མོ་སྔར་ལས་ཡངས་པར་ཕྱེས་པ་དང་ཚོང་གཉེར་ཁོར་ཡུག་སྔར་ལས་ཇེ་བཟང་དུ་བཏང་ནས་མུ་མཐུད་དུ་རྒྱལ་སྤྱིའི་དངུལ་གཏོང་གི་ས་ཁུལ་གཙོ་བོར་འགྱུར་བར་བྱེད་ངེས་ཡིན་ཟེར།

ཐི་ལུའུ་ཏོ་ཡིས་བཤད་རྒྱུར། ཁ་ན་ཏ་དང་ཀྲུང་གོའི་འབྲེལ་བ་སྔར་ལས་འཕེལ་རྒྱས་སུ་འགྲོ་བཞིན་ཡོད་པ་དང་། རྒྱལ་ཁབ་གཉིས་ཀྱི་བརྗེ་རེས་དང་མཉམ་ལས་ལ་སྦས་ཤུགས་ཆེན་པོ་ཡོད། ཁ་ན་ཏ་ཕྱོགས་ཀྱིས་གཉིས་ཕན་མཉམ་ལས་ཀྱི་སྙིང་སྟོབས་ལ་དམིགས་ཏེ། རྒྱལ་ཁབ་གཉིས་བར་གྱི་མཛའ་བཤེས་སྔར་ལས་ཇེ་ཟབ་ཏུ་གཏོང་འདོད་ཡོད། ཁ་ན་ཏ་ཕྱོགས་ཀྱིས་རང་མོས་ཉོ་ཚོང་ལ་རྒྱབ་སྐྱོར་བྱེད་པར་མ་ཟད། ཀྲུང་གོ་ཕྱོགས་དང་མཉམ་དུ་འཛམ་གླིང་ཅན་དང་རང་མོས་ཅན་གྱི་ཉོ་ཚོང་ལ་སྐུལ་འདེད་བཏང་ནས། འཛམ་གླིང་ཡོངས་རྒྱུན་མཐུད་སྒོས་འཕེལ་རྒྱས་སུ་འགྲོ་བར་བྱས་རྗེས་འཇོག་འདོད་ཡོད་ཟེར།

གྲོས་མོལ་མ་མཛད་པའི་སྔོན་ལ། ལིས་ཁི་ཆང་གིས་མི་དམངས་ཚོགས་ཁང་ཆེན་མོའི་ནང་དགའ་བསུ་ཞུ་བའི་མཛད་སྒོ་བསྡུས་ཏེ། ཁ་ན་ཏའི་ཙུང་ལི་ཐི་ལུའུ་ཏོ་རང་རྒྱལ་ལ་དངོས་གཞིའི་འཚམས་འདྲིར་ཡོང་བར་བསུ་མ་བྱས།