རྒྱལ་རྩེ་མདའ་མང་རིག་གནས་ཡུལ་སྐོར་དུས་ཆེན་འགོ་ཚུགས་པ།

མི་དམངས་དྲ་བའི་འཕྲིན། ལོ་ལྟར་དབྱར་གཞུང་གི་དུས་སུ་གཞིས་རྩེ་གྲོང་ཁྱེར་རྒྱལ་རྩེ་རྫོང་གི་ཞིང་འབྲོག་མང་ཚོགས་ཚོས་གཟབ་མཆོར་ལེགས་པར་སྤྲས་ཏེ་ཕྱོགས་བཞི་མཚམས་བརྒྱད་ནས་ལྷན་དུ་འཛོམས་ཏེ་ལོ་གཅིག་དུས་གཅིག་གི་རྒྱལ་རྩེ་མདའ་མང་རིག་གནས་ཡུལ་སྐོར་དུས་ཆེན་དགའ་གཏོང་བྱེད་ཀྱི་ཡོད།

ད་ཐེངས་ཀྱི་མདའ་མང་དུས་ཆེན་ལ་རྟ་རྒྱུག་དང་།  གཡག་རྒྱུག   མདའ་འཕེན་པ། ཐག་འཐེན་འགྲན་བསྡུར་དང་དེ་བཞིན་རིག་རྩལ་འཁྲབ་སྟོན་སོགས་ཀྱི་བྱེད་སྒོ་ཡོད་པ་མ་ཟད། ད་དུང་ཚོང་འདུས་འཚོག་ནས"རིག་གནས་ཀྱི་སྟེགས་བུ་སྐྲུན་ཏེ། དཔལ་འབྱོར་འཁྲུག་པོ"ཡོང་བའི་ནུས་པ་འདོན་སྤེལ་བྱ་རྒྱུ་ཡིན་པ་རེད།