མི་ཚང་དབུལ་བོར་ནད་ལྕི་མོ་ཕོག་དུས་སྒོ་བསྟེན་ཁང་གི་རོགས་སྐྱོབ་སྲིད་ཇུས་ནི་གང་ཡིན།
2018-01-23 11:07:35  |  110.166.**.**     **   ཐུབ་བསྟན། སྐུ་ཞབས།     དང་ལེན་བྱས་ནས་ལན་བཏབ་པ།
 མི་ཚང་དབུལ་བོར་ནད་ལྕི་མོ་ཕོག་དུས་སྒོ་བསྟེན་ཁང་གི་རོགས་སྐྱོབ་སྲིད་ཇུས་ནི་གང་ཡིན།
2018-01-23 11:07:55  | 

མི་ཚང་དབུལ་བོར་དྲག་པོའི་རང་བཞིན་གྱི་འབྲས་སྐྲན་ནད་ལ་རྫས་འགྱུར་ནད་བཅོས་དང་། དལ་བའི་རང་བཞིན་གྱི་མཁལ་མའི་ནུས་པ་ཉམས་གསོ་སྨན་བཅོས། མཁལ་མའི་དབང་བོ་སྤོ་འཇུག་རྗེས་ཀྱི་སྨན་བཅོས་། ཁྲག་འཛར་ནད་སོགས་ནད་གཞི་དྲག་པོའི་སྐོར་ལ་སྒོ་བསྟེན་སྨན་ཁང་དུ་སྨན་བཅོས་བྱེད་དུས། སྒོ་བསྟེན་སྨན་ཁང་དུ་སྨན་བཅོས་བྱེད་པའི་སྲིད་ཇུས་ཀྱི་ཁྱབ་ཁོངས་སུ་གཏོགས་པའི་སྨན་བཅོས་ཀྱི་འགྲོ་གྲོན་དག་གཞི་རྩའི་སྨན་བཅོས་འགན་སྲུང་དང་། སྙུང་གཞི་དྲག་པོའི་ཉེན་འགོག་འགན་སྲུང་གཉིས་ནས་འགྲོ་སོང་རྩིས་ཞུ་བྱས་རྗེས། དེའི་འཕྲོར་ལྷག་པའི་འགྲོ་གྲོན་དེ་བརྒྱ་ཆའི་བརྒྱད་ཅུ་ཡི་ཚད་གཞི་ལྟར་སྨན་བཅོས་རང་ངོས་ནས་རོགས་སྐྱོབ་བྱེད་པ་རེད་ལ། རྒྱལ་ཁབ་ཀྱིས་དམིགས་སུ་བཀར་བའི་མི་ཚང་དབུལ་བོར་བརྒྱ་ཆའི་བརྒྱ་ཡི་རོགས་སྐྱོབ་ཡོད་པ་དང་། སྒོ་བསྟེན་སྨན་ཁང་ལ་དེ་སྐོར་ནས་མི་རེར་ལོ་རེར་རོགས་སྐྱོར་མ་དངུལ་སྒོར་ཁྲི་རེ་ཡོད་པ་རེད།

རྒྱལ་ཁབ་ཀྱིས་གནང་སྦྱིན་བྱས་པའི་བྱིས་པའི་འཚོ་བཅུད་དེ་གང་ནས་ལེན་ཐུབ།
2018-01-23 11:05:15  |  110.166.**.**     **   ཟླ་བ། སྐུ་ཞབས།     དང་ལེན་བྱས་ནས་ལན་བཏབ་པ།
རྒྱལ་ཁབ་ཀྱིས་གནང་སྦྱིན་བྱས་པའི་བྱིས་པའི་འཚོ་བཅུད་དེ་གང་ནས་ལེན་ཐུབ།
2018-01-23 11:06:29  | 

  ས་གནས་དེའི་གྲོང་ཚོའི་འཕྲོད་བསྟེན་ཁང་ངམ་ཡང་ན་འཕྲོད་བསྟེན་གླིང་ནས་ལེན་ཐུབ།

དམིགས་བསལ་ལས་གནས་དགེ་རྒན་གྱི་ཟླ་ཕོགས་ཐད་ཀྱི་གནད་དོན།
2018-01-11 11:35:33  |  110.166.**.**     **   ཅཱ་ཧའོ་ལན། སྐུ་ཞབས།     དང་ལེན་བྱས་ནས་ལན་བཏབ་པ།
ང་ནི་དམིགས་བསལ་ལས་གནས་ཀྱི་གནས་དགེ་རྒན་ཞིག་ཡིན། ཡིག་ཆ་ལྟར་ན་དམིགས་བསལ་ལས་གནས་ལ་ལས་གནས་འདྲ་བ་ལ་ཐོབ་ཆ་འདྲ་བ་ཡིན་ཟེར། ཡིན་ནའང་ད་ལོའི་ཟླ3པ་ནས་ད་ལྟའི་བར་དུ་ང་ཚོ་དམིགས་བསལ་ལས་གནས་དགེ་རྒན་གྱི་ཟླ་ཕོགས་གཅིག་ཀྱང་མ་འཕར།
0001-01-01 00:00:00  | 
སྤྱི་ཚོགས་འགན་སྲུང་གི་བྱང་བུ་ཐད་ཀྱི་གནད་དོན།
2017-12-18 16:44:25  |  110.166.**.**     **   ཏའོ་ཧའེ་ཅུན། སྐུ་ཞབས།     དང་ལེན་བྱས་ནས་ལན་བཏབ་པ།
ངའི་སྤྱི་ཚོགས་འགན་སྲུང་བྱང་བུ་ལོ་གཉིས་འགོར་ཡང་ད་དུང་སྒྲུབ་ཐུབ་མེད་པས་དུས་ཡུན་ག་ཚོད་སྒུག་ན་ངའི་སྤྱི་ཚོགས་འགན་སྲུང་གི་བྱང་བུ་ལེན་ཐུབ།
2017-12-18 17:00:02  | 

ཏུའོ་ཧུའེ་ཅུན་ཁྱོད་བདེ་མོ། ཁྱེད་ཀྱིས་བཏོན་པའི་སྤྱི་ཚོགས་འགན་སྲུང་བྱང་བའི་གནད་དོན་ང་ཚོས་ཤེས་རྗེས།  ངེད་ཅུས་ཀྱིས་ཚད་མཐོའི་མཐོང་ཆེན་དང་། ཆ་འཕྲིན་མ་ལག་བདེན་མིན་ཞིབ་དཔྱད་བྱས་མཐར་ལན་འདི་སྤྲད་པ་གཤམ་གསལ། 2015 ལོའི་ཟླ9 པར་སྤྱི་ཚོགས་འགན་སྲུང་བྱང་བུར་གྲངས་འབོར་བཟོ་སྐབས་འགན་སྲུང་ནང་ཞུགས་མཁན་དེ་དམག་སྐུལ་དང་ལེན་བྱས་པའི་དབང་གིས་ཆ་འཕྲིན་མ་ལག་ནང་འགན་སྲུང་ཁྲོད་ཞུགས་མཁན་གྱི་ཆ་འཕྲིན་མེད་པས་ཆ་འཕྲིན་ལེན་མི་ཐུབ་པས་སྤྱི་ཚོགས་འགན་སྲུང་བྱང་བུ་བཟོ་མ་ཐུབ་པ་ཡིན།  འགན་སྲུང་ནང་ཞུགས་མཁན་གྱིས2016ལོའི་ཟླ3པར་ལས་ཀ་སྒྱུར་ཏེ་གྲོང་བརྡལ་གྱི་ལས་བཟོ་བའི་སྨན་བཅོས་འགན་སྲུང་ཁྲོད་ཞུགས་ནས་རིམ་པ་གཉིས་པའི་རིམ་པ་ཁ་བའི་ཐོབ་ཐང་ལོངས་སུ་སྤྱད་འདུག    2017ལོའི་ཟླ5བའི་ཚེས26ཉིན་ལ་ཆ་འཕྲིན་བསྡུ་ལེན་བྱས་རྗེས་མཚོ་ཤར་གྱི་མ་རྩ་བདག་གཉེར་ཆ་འཕྲིན་མ་ལག་ཁྲོད་ཡིག་ཐོག་སྙན་སེང་ཞུས་པ་ཡིན།  2017ལོའི་ཟླ7བའི་ཚེས27ཉིན་ལ་ཐོ་ཁུངས་བཙུགས་ཟིན་པས།  ད་ལྟ་གོ་རིམ་ལྟར་བྱང་བུ་བཟོ་བཞིན་ཡོད་ལ།  བྱང་བུ་སྐོར་ཐེངས་ཨང་གྲངས་ནི16354ཡིན།  བྱང་བུ་བཟོས་ཚར་རྗེས་མཚོ་ཤར་གྲོང་ཁྱེར་ལ་སྤྲོད་རྒྱུ་ཡིན་པས་འགན་སྲུང་བྱང་བུ་དུས་ཐོག་ཏུ་ཁྱེད་ཀྱི་ལག་ཏུ་འབྱོང་ངེས་ཡིན།


ལུང་མདོ་ཆུས་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུའུ།

2017ལོའི་ཟླ8པའི་ཚེས28ཉིན།

 

རྒྱུགས་ལེན་མིང་ཐོ་འགོད་རིན་གསབ་སྤྲོད་ཐད་ཀྱི་རེ་ཞུ།
2017-12-11 11:25:46  |  110.166.**.**     **   བློ་མཐུན་མའོ། སྐུ་ཞབས།     དང་ལེན་བྱས་ནས་ལན་བཏབ་པ།
ང་རང2016ལོར་ཐོག་དང་བོར་རིམ་པ་དང་པོའི་འཛུགས་སྐྲུན་པའི་རྒྱུགས་ལ་ཞུགས་པ་ཡིན། ན་ནིང་རྒྱུགས་ལེན་དུས་ཚོད་ཟླ་བདུན་པར་སྤྱི་བསྒྲགས་བྱས་རྗེས་ངས་རྒྱུགས་ཞུགས་དངུལ་སྤྲོད་པའི་དུས་ཚོད་ནོར་ཏེ་རྒྱུགས་ལ་ཞུགས་མ་ཐུབ། གཏན་འབེབས་ལྟར་ན་རྒྱུགས་ལེན་མིང་ཐོ་འགོད་རིན་གསབ་སྤྲོད་བྱས་ཆོག་པས་གསབ་སྤྲོད་བྱས་ན་ཆོག་གམ།
2017-12-11 11:26:37  |  མཚོ་སྔོན་ཞིང་ཆེན་མི་ཤུགས་ཐོན་ཁུངས་སྤྱི་ཚོགས་འགན་སྲུང་ཐིན།

ཁྱེད་བདེ་མོ།  ཁྱེད་ཀྱིས་བཏོན་པའི་གནས་ཚུལ་གྱི་གསལ་བཤད་གཤམ་གསལ་ལྟར།   རང་ཞིང་གི་མིང་ཐོ་འགོད་པའི་དུས་ཚོད2017ལོའི་ཟླ6པའི་ཚེས19ཉིན་ནས་ཟླ6པའི་ཚེས28ཉིན་བར་ཡིན།   ཐོབ་ཐང་ཞིབ་བཤེར་དུས་ཚོད2017ལོའི་ཟླ5པའི་ཚེས19ནས་ཚེས29ཡིན་ལ།  སྒོར་མོ་སྤྲོད་པའི་དུས་ཚོད2017ལོའི་ཟླ6པའི་ཚེས19ཉིན་ནས་ཚེས30བར་ཡིན།    རྒྱུགས་ཞུགས་མིང་ཐོ་འགོད་རིན་མཚོ་སྔོན་ཞིང་ཆེན་སྡོད་ཁང་འཛུགས་སྐྲུན་ཐིན་ལས་གཉེར་ཐོབ་ཐང་ཐོ་འགོད་ལྟེ་གནས་ཀྱིས་འགན་ཁུར་བཞིན་ཡོད་ལ་མིང་ཐོ་འགོད་རིན་བསྡུ་བའི་བྱ་བ་ཡང་ཡོངས་སུ་མཇུག་རྫོགས་ཟིན་པས།  ཞིང་ཆེན་མི་དོན་རྒྱུགས་ལེན་ལྟེ་གནས་ཀྱིས་ཁྱེད་ལ་རྒྱུགས་ལེན་གསབ་ཞུགས་དང་མིང་ཐོ་འགོད་རིན་གསབ་སྤྲོད་བྱེད་ཐབས་མི་འདུག  ཁྱེད་ཀྱིས་རྗེས་མའི་རྒྱུགས་ལེན་མིང་ཐོ་འགོད་པའི་དུས་ཚོད་ལ་དོ་ཁུར་བྱེད་རྒྱུ་གལ།  

མཚོ་སྔོན་ཞིང་ཆེན་མི་དོན་རྒྱུགས་ལེན་ལྟེ་གནས།

2017ལོའི་ཟླ7པའི་ཚེས14ཉིན།


མཁར་བྱང་ཁུལ་ཡོན་ཞིན་སྡོད་ཁུལ་གྱི་དྲོད་སྦུག་ཞིག་གསོ་ཐད་ཀྱི་གནད་དོན།
2017-12-08 10:53:51  |  110.166.**.**     **   བློ་མཐུན་མེན། སྐུ་ཞབས།     དང་ལེན་བྱས་ནས་ལན་བཏབ་པ།
གུར་འོས་པའི་མགོ་ཁྲིད་རྣམ་པ། འབྲེལ་ཡོད་ཨར་ལས་ལས་ཁུངས་ཀྱིས་བརྐོས་པའི་ས་ནས་དགུན་ཁར་རང་འབབ་ཆུ་སྦུག་ལ་སྐྱོན་ཞུགས་པར་ཉེན་ཁ་ཆེ་བས། སྲིད་གཞུང་གི་འབྲེལ་ཡོད་སྡེ་ཁག་དག་གིས་ཐག་གཅོད་བྱེད་རྒྱུ་མཁྱེན།
2017-12-08 10:54:50  |  ཟི་ལིང་གྲོང་ཁྱེར་མཁར་བྱང་ཁུལ་ཞའོ་ཆའོ་སྲང་ལམ་ཆེ་བའི་ལས་སྒྲུབ་ཁང་།

 བློ་མཐུན་མེན་ཁྱེད་བདེ་མོ།  ཁྱེད་ཀྱིས་ང་ཚོར་བཏོན་པའི་གནད་དོན་གྱི་དྲིས་ལན་གཤམ་གསལ་ལྟར།  དྲོད་སྦུག་དུས་ཡུན་རིང་བོ་ཞིག་ལ་ཆུ་ནང་ལ་བཞག་ནས་དྲོད་རླངས་རྒྱུན་ལྡན་ལྟར་འདོན་སྤྲོད་བྱེད་མི་ཐུབ་པའི་གནད་དོན་རྩ་བ་ནས་ཐག་གཅོད་བྱ་ཆེད།   ཡོན་ཞིན་སྡོད་ཁུལ་གྱིས་ཁྱིམ་བདག་གྲོས་ཚོགས་བསྡུས་ཏེ་ཁང་བ་ཞིག་གསོ་བྱེད་དངུལ་དེ་དྲོད་སྦུག་ཞིག་གསོ་བྱེད་བསྐྱེད་བྱེད་པར་ཐག་གཅོད་བྱས་པ་མ་ཟད་སྤྱི་བསྒྲགས་བྱས།  དྲོད་སྦུག་ཞིག་གསོ་ལས་གཞི2017ལོའི་ཟླ5བའི་ཚེས21ཉིན་མགོ་བརྩམས་པ་ཡིན་ལ་།དུས་མཚུངས་སུ་གཅིག་ཐོག་ནས་ལྔ་ཐོག་བར་གྱི་ཁྱིམ་ཚང་གི་ལག་ནས་ཞིག་གསོ་ཆེ་བའི་གྲོན་དངུལ་བླངས་པ་རེད།  གྲོན་དངུལ་བྱིན་ཟིན་པའི་ཁྱིམ་ཚང120ཡོད་ལ་ད་རུང་ཁྱིམ་ཚང150གྲོན་དངུལ་སྤྲད་མེད། ཨར་ལས་སྒོར་མོ་དུས་ལྟར་སྟེར་མ་ཐུབ་པས་ཟླ8པའི་ཚེས1ཉིན་ལས་མཚམས་བཞགས་ཏེ་གྱིང་ངོས་སུ་ཡི་གེ་སྦྱར་ཏེ་གསལ་འདེབས་བྱས། སྡོད་ཁུལ་ཨུ་ཡོན་ལྷན་ཁང་གིས་སྡེ་ལས་ཀུང་ཟིར་སྒོར་ཁྲི་གཉིས་ལྷག་བྱིན་རྗེས་ཟླ8པའི་ཚེས18ཉིན་ཡང་བསྐྱར་ལས་མགོ་བརྩམས།  ཨར་ལས་ཀྱིས་བཟོས་པའི་དྲོད་སྦུག་ཆུ་ནང་ལ་ཕང་ཡོད་པའི་གནས་ཚུལ་དེར་གཅིག་ནས་ལས་མགོ་བརྩམས་ནས་ཟླ་གཉིས་ལྷག་ལ་གནད་དོན་བྱུང་མ་མྱོང་ལ། གཉིས་ནས་གལ་ཏེ་གནད་དོན་བྱུང་ཚེ་ཨར་ལས་ཀུང་ཟི་ཕྱོགས་ནས་དུས་ལྟར་ཞིག་གསོ་བྱེད་པར་འགན་ལེན་བྱས་ཆོག་པས་ཁྱིམ་ཚང་ལ་ཆུ་ཆད་པའི་གནད་དོན་འབྱུང་མི་སྲིད།  

བཟོ་སྐྲུན་ཨར་ལས་རིགས་ཀྱིས་མཐོ་རིམ་ལས་མིང་ལེན་ཐུབ་བམ།
2017-11-15 17:24:34  |  110.166.**.**     མཚོ་ལྷ**   ཚེ་རིང་རྡོ་རྗེ། སྐུ་ཞབས།     དང་ལེན་བྱས་ནས་ལན་བཏབ་པ།
བཟོ་སྐྲུན་ཨར་ལས་རིགས་ཀྱིས་མཐོ་རིམ་ལས་མིང་ལེན་ཐུབ་བམ།
2017-11-15 17:30:10  |  མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིན།

དྲ་གྲོགས་བདེ་མོ།  ཁྱེད་ནས་ངེད་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་གི་ཆེད་ལས་རྩལ་ནུས་ཁྲུའུ་ཡི་ཁ་པར་ཨང་གྲངས0971-8258150ལ་ཁ་པར་བཏང་ནས་རྩད་འདྲི་གསལ་བོ་བྱས་ཆོག   ཐུགས་རྗེ་ཆེ།

མཚོ་སྔོན་གྱི་ལས་ལམ་གསར་འབྱེད་གླིང་ཁུལ་དུ་བསྡད་ཆོག་གམ།
2017-11-14 10:35:59  |  110.166.**.**     **   ཚེ་རྡོ། སྐུ་ཞབས།     དང་ལེན་བྱས་ནས་ལན་བཏབ་པ།
མཚོ་སྔོན་ལས་ལམ་གསར་འབྱེད་གླིང་ཁུལ་གྱི་ས་གནས་གང་དུ་ཡོད་དམ། ང་ཚོ་ནི་སྤོ་འགུལ་སྦྲེལ་དྲ་ལས་མཁན་ཞིག་ཡིན། ལས་ལམ་སོ་མ་འགོ་རྩམས་པའི་དུས་རིམ་ཡིན་པའི་ང་ཚོ་གླིང་ཁུལ་དུ་བསྡད་ཆོག་གམ།
2017-11-14 10:37:31  |  གུང་གཞོན་ཚོགས་པ་མཚོ་སྔོན་ཞིང་ཆེན་ཏང་ཨུ།

ཁྱེད་བདེ་མོ། ཁྱོས་བཏོན་པའི་མཚོ་སྔོན་ན་གཞོན་ལས་ལམ་གསར་འབྱེད་གླིང་ཁུལ་གྱི་ས་གནས་གང་དུ་ཡོད་པ་དང་། ང་ཚོ་ནི་སྤོ་འགུལ་སྦྲེལ་དྲ་ལས་མཁན་ཡིན་ལ། སོ་མ་འགོ་རྩམས་པའི་དུས་རིམ་ཡིན་པའི་ང་ཚོ་གླིང་ཁུལ་དུ་འདུག་ཆོག་མིན་སྐོར་གྱི་ནང་དོན་དེ་ང་ཚོར་འབྱོར་ཡོད། གུང་གཞོན་ཚོགས་པ་མཚོ་སྔོན་ཞིང་ཆེན་ཏང་ཨུས་ལན་བསྐྱོན་པ་གཤམ་གསལ་ལྟར།

  གཅིག མཚོ་སྔོན་ན་གཞོན་ལས་ལམ་གསར་འབྱེད་ས་གནས་ནི་མཚོ་སྔོན་ཞིང་ཆེན་ཟི་ལིང་གྲོང་ཁྱེར་མཁར་བྱང་ཁུལ་སྐྱེ་དངོས་གླིང་ཁུལ་གྱི་ཅིན་སི་ལམ་གྱི་སྒོ་ཨང26པའི་ ཁང་བརྩེགས10རུ་ཡོད།

  གཉིས། མཚོ་སྔོན་ན་གཞོན་ལས་ལམ་གསར་འབྱེད་གླིང་ཁུལ་དུ་ཞུགས་པའི་ཆ་རྐྱེན་ནི།

  1.ཁེ་ལས་ཁྲིམས་མིའི་ལོ་ཚོད་ནི་ལོ18-40བར་ཡིན་དགོས།

  2. ངེས་པར་དུ་ཁེ་ལས་ལས་གཞིའི་དངོས་གཞི་ཆ་རྐྱེན་འཛོམས་དགོས།

  3.ཁེ་ལས་ཁྲིམས་མིའི་སློབ་གཉེར་གོ་རིམ་ནི་ཆེད་སྦྱོང་དང་འབྲིང་རིམ་ཆེད་ལས་སློབ་གྲྭའི་ཡན་ཡིན་དགོས།

  གསུམ། མཚོ་སྔོན་ན་གཞོན་ལས་ལམ་གླིང་ཁུལ་གྱི་བྱ་བའི་མི་སྣ་དང་འབྲེལ་གཏུགས་བྱ་ཐབས་ནི། 0971-8062135

  བཞི། ཁྱེད་རང་གློག་རྡུལ་ཚོང་དོན་གྱི་ལས་ལམ་གསར་འབྱེད་པ་ཞིག་ཡིན་ཚེ། མཚོ་སྔོན་ཁྲོ་ཡཱང་རྒྱལ་ཁབ་གློག་རྡུལ་ཚོང་དོན་དཔེ་སྟོན་རྟེན་གཞི་རུ་འབྲེལ་གཏུགས་བྱས་ན་བཟང་སྙམ།

  ས་གནས། མཚོ་སྔོན་ཞིང་ཆེན་ཟི་ལིང་མཁར་བྱང་ཁུལ་གྱི་ཁྲོ་ཡཱང་ནུབ་ལམ་གྱི་སྒོ་ཨང52པ། (ཐིན་ཅོན་ཟམ་པའི་འོག)

  འབྲེལ་གཏུགས་མི་སྣ། ཞབས་ཞུ་དོ་དམ་གཞུང་ལས་ཁང་གི་ཀྲུའུ་རིན་གཞོན་པ་ཧྥིང་ཧོང། ལག་ཁྱེར་ཁ་པར། 13997222392

ཁྱིམ་ཐོ་མེད་ན་རྒྱུགས་སྤྲད་ཆོག་གམ།
2017-11-14 10:28:40  |  110.166.**.**     **   ཨ་དུང་། སྐུ་ཞབས།     དང་ལེན་བྱས་ནས་ལན་བཏབ་པ།
ད་སྐབས་མཚོ་སྔོན་དུ་ཁྱིམ་ཐོ་མེད་རུང་། སྔ་མོ་ནས་མཚོ་སྔོན་དུ་ལོ་མང་པོར་སློབ་གྲྭ་འགྲིམས་པའི་སློབ་མའི་གྲངས་ཀ་ཅུང་མང་པོ་འདུག མཐོ་རྒྱུགས་ལེན་པའི་སྲིད་ཇུས་ཅི་འདྲ་ཡིན་མིན་མི་ཤེས་པས། ཕྱི་འོང་ཞོར་ལས་པ་དག་གི་སེམས་ཁུར་བྱེད་བཞིན་མཆིས།
2017-11-14 10:31:59  |  ན་གོར་མོ་གྲོང་ཁྱེར་སློབ་གསོ་ཅུའུ།

    སྐུ་བདེ་འམ། ཁྱེད་ཉིད་ཀྱིས་བཏོན་པའི་དྲི་བར་ན་གོར་མོ་གྲོང་ཁྱེར་སློབ་གསོ་ཅུས་ཡི་ལན་བསྐྱོན་པའི་གནས་ཚུལ་གཤམ་གསལ་ལྟར།

 མཚོ་སྔོན་སློབ་སྡུད་ཨུ་ཡོན་ལྷན་ཁང་གི་ཡིག་ཨང(2013)4དང་། 《ཞིང་ཆེན་ཕྱི་ནས་མཚོ་སྔོན་དུ་ཞོར་ལས་གཉེར་མཁན་གྱི་བུ་བུ་མོའི་རང་ཞིང་དུ་མཐོ་རྒྱུགས་ལ་ཐོ་འགོད་སྡུད་ལེན་བྱེདཔའི་ཆ་རྐྱེན་ཁ་གསབ་དོན་ཚན་སྐོར་གྱི་བརྡ་སྦྱོར》ཡིག་ཆའི་གཏན་ཁེལ་ལྟར། ཁྱིམ་བདག་དང་སློབ་མ་རང་ཉིད་གི་ཁྱིམ་ཐོ་མཚོ་སྔོན་ཁྱིམ་ཐོ་ལ་སྒྱུར་མེད་ཚེ། མཚོ་སྔོན་སློབ་སྡུད་ཨུ་ཡོན་ལྷན་ཁང་གི་ཡིག་ཨང(2011)42གཏན་ཁེལ་ལྟར་མཚོ་སྔོན་དུ་མཐོ་རྒྱུགས་ལ་མིང་ཐོ་འགོད་པའི་ཆ་རྐྱེན་དང་མི་མཐུན་མོད། སློབ་མའི་ཁྱིམ་བདག་གིས་རང་ཞིང་དུ་ལས་གཉེར་དང་ཚོང་གཉེར་བ། རང་ཞིང་དུ་སྔོན་མདོག་ཁྱིམ་ཐོ་དང་ཡང་ན་སྐབས་སྡོད་དཔང་ཡིག་བཅས་འགྲོ་ལུགས་བསྒྲུབ་ཡོད་པ། སློབ་མས་མཐོ་འབྲིང་རང་ཞིང་དུ་འགྲིམས་ནས་སློབ་མཐར་ཕྱིན་པ་ཡིན་ན། རང་ཞིང་གི་མཐོ་རྒྱུགས་ལ་ཞུགས་ཆོག་པ་མ་ཟད། རང་ཞིང་གིས་གཏན་ཁེལ་བྱས་པའི་ཆེས་དམའི་ཚོད་འཛིན་གྱི་སྐར་གྲངས་ལྟར། མཚོ་སྔོན་ཞིང་ཆེན་ནང་ཁུལ་གྱི་སློབ་ཆེན་དང་ལས་རིགས་སློབ་གྲྭ། དེ་མིན་ཞིང་ཆེན་ཕྱི་ནང་གི་ཆེད་སྦྱོང་སློབ་གྲྭ་དང(ལས་རིགས་ལག་རྩལ་སློབ་གྲྭ)བཅོས་སུ་སྡུད་ལེན་བྱེད་པ་ཡིན།

སློབ་གྲྭའི་གསབ་ཁྲིད་ཐད་ཀྱི་གནད་དོན།
2017-10-13 16:57:30  |  110.166.**.**     **   ལྷ་ཆེན་རྒྱལ། སྐུ་ཞབས།     དང་ལེན་བྱས་ནས་ལན་བཏབ་པ།
ང་ནི་མཚོ་སྔོན་དགེ་ཐོན་སློབ་ཆེན་གྱི་ཟུར་གཏོགས་སློབ་འབྲིང་གཉིས་པ་ན་སློབ་གཉེར་བྱེད་བཞིན་ཡོད་པའི་སློབ་མ་ཞིག་གི་ཁྱིམ་བདག་ཡིན། དེ་གའི་སློབ་འབྲིང་སློབ་ཁུལ་གསར་བར་གནས་སྤར་རྗེས་སློབ་མ་དག་ཉིན་གུང་ཕྱིར་ཡུལ་དུ་འགྲོ་མི་ཆོག་ལ་དགོང་མའི་ཆུ་ཚོད་བདུན་ལྷག་བར་དུ་གསབ་ཁྲིད་བྱེད་དགོས་པས་དེ་ལྟར་བྱས་ན་ཆོག་གམ།
2017-10-13 16:59:02  |  མཚོ་སྔོན་ཞིང་ཆེན་སློབ་གསོ་ཐིན།

        བཀུར་འོས་པའི་བློ་མཐུན་ཁྱེད་བདེ་མོ། ངེད་སློབ་གསོ་ཐིན་གྱིས་མཚོ་སྔོན་དགེ་ཐོན་སློབ་ཆེན་རྨང་གཞིའི་སློབ་གསོ་ཁྲུའུ་ལ་འབྲེལ་གཏུགས་བྱས་ཏེ་གནས་ཚུལ་ལ་རྒྱུས་ལོན་བྱེད་དགོས་པའི་བླང་བྱ་བཏོན་ཏེ། དོན་དག་དེ་སྒྲུབ་པའི་མཇུག་འབྲས་ཡིག་ལན་གཤམ་གསལ་ལྟར། མཚོ་སྔོན་དགེ་ཐོན་སློབ་ཆེན་གྱི་ཟུར་གཏོགས་སློབ་འབྲིང་གཉིས་པའི་མཐོ་གསུམ་རིམ་པས་ཞིང་ཆེན་སྲིད་གཞུང་གཞུང་སྒྲུབ་ཐིན་གྱི་《སློབ་གྲྭ་ཆུང་འབྲིང་གི་དོ་དམ་སྔར་ལས་ཇེ་དྲག་ཏུ་བཏང་སྟེ་སློབ་སྒྲུབ་ཚལ་ལྡན་དུ་གཏན་འཁེལ་བྱས་པའི་ཐད་ཀྱི་བརྡ་སྦྱོར》དགོངས་པ་གཞིར་བཟུང་སྟེ། སློབ་མ་དག་ལ་བསྐྱར་སྦྱོང་བྱེད་དུ་བཅུག་པ་ལས་གཞན་ལོ་རིམ་གཞན་དག་གསབ་ཁྲིད་བྱེད་ཀྱིན་མེད་ཟེར། སློབ་ཁུལ་གསར་བར་གནས་སྤར་བའི་ཚུན་ལ་སློབ་གྲྭར་སློབ་མ་ཚོར་སློབ་གྲྭ་ཡོང་བའི་ལམ་བར་དུ་འགྲིམ་འགྲུལ་དོན་རྐྱེན་བྱུང་མྱོང་བའི་ཡར་ཞུ་ཡང་གཅིག་ཀྱང་འབྱོར་མ་མྱོང་ཟེར། མ་འོངས་པ་ནས་ཡང་ངེད་སློབ་གསོ་ཐིན་གྱིས་སློབ་སྒྲུབ་བྱ་བ་སྔར་ལས་ཚལ་ལྡན་དུ་བཏང་སྟེ་མི་དམངས་ཡིད་ཚུམས་པའི་སློབ་གསོ་ཞིག་བསྒྲུབ་རྒྱུ་ཡིན། ཁྱེད་ཀྱིས་སློབ་གསོའི་ལས་དོན་ལ་ཐུགས་ཁུར་དང་རྒྱབ་སྐྱོར་བྱས་པར་བཀའ་དྲིན་བྱས་པ་ཡིན། ང་ཚོས་ཐག་གཅོད་བྱས་པའི་མཇུག་འབྲས་ལ་ཡིད་མི་ཚུམས་ན་མཇུག་འབྲས་ཡི་གེ་འདི་ཁྱེར་དེ་ཉིན་སུམ་བཅུའི་ནང་ལ་སྔོན་གྱི་སྲིད་འཛིན་ལས་སྒྲུབ་ལས་ཁུངས་ཀྱི་རིམ་པ་གོང་མའི་སྲིད་འཛིན་ལས་ཁུངས་ལ་བསྐྱར་ཞིབ་བྱེད་པའི་རེ་ཞུ་བྱས་ཆོག གལ་ཏེ་གཏན་འཁེལ་བྱས་པའི་དུས་ཚོད་ལས་བརྒལ་སོང་ན་རིམ་པ་སོ་སོའི་མི་དམངས་སྲིད་གཞུང་ཡིག་སྒམ་བྱ་བའི་ལས་ཁུངས་དང་སྲིད་འཛིན་ལས་ཁུངས་གཞན་དག་གིས་བསྐྱར་དུ་རེ་ཞུ་དང་ལེན་མི་བྱེད།





སྨན་བཅོས་འགན་སྲུང་ཐད་ཀྱི་གནད་དོན།
2017-10-13 16:51:19  |  110.166.**.**     **   བློ་བཟང་། སྐུ་ཞབས།     དང་ལེན་བྱས་ནས་ལན་བཏབ་པ།
ཞིང་ཆེན་གཞན་པ་ནས་སྨན་བཅོས་འགན་སྲུང་གི་སྒོར་སྤྲད་ནས་ལོ་ཚད་ལ་ཐོན་དུས་ད་ལྟའི་ལོ་ཚད་དང་གཅིག་གྱུར་བྱེད་ཐུབ་བམ། འབྲེལ་ཡོད་སྡེ་ཁག་གི་ཐམ་མནན་ཉར་ཚགས་ཕྱོགས་ཀྱི་འགྲོ་ལུགས་སྒྲུབ་དགོས་སམ།རྗེས་ནས་ལས་འཁྱུར་ངལ་གསོ་བྱས་རྗེས་འགྲོ་སོང་རྩིས་ཞུའི་ཕྱོགས་ནས་ཤུགས་རྐྱེན་ཡོད་དམ།
2017-10-13 16:52:34  |  མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིན།

     མིག་སྔར། རང་ཞིང་ཞིང་ཆེན་རིམ་པའི་ལས་བཟོ་སྨན་བཅོས་འགན་སྲུང་མི་སྣ་རུ་ཞུགས་ནས་གལ་ཏེ་ལས་ཁུར་དགོངས་ཞུ་བྱས་སྟེ་ས་གནས་གཞན་པར་སོང་ན། གནས་ཚུལ་གཉིས་ཡོད་དེ། གཅིག གལ་ཏེ་ས་གནས་གཞན་པའི་ལས་ཁུངས་ཅིག་ནས་མུ་མཐུད་ལས་ཞུགས་བྱེད་ན།ལས་ཁུངས་གསར་བ་ནས་གྲོང་རྡལ་ལས་བཟོ་སྨན་བཅོས་འགན་སྲུང་དང་།ས་ཁུལ་གསར་བའི་སྨན་བཅོས་འགན་སྲུང་ལག་འགྲིམ་སྒྲིག་གཞི《གཞི་རྩའི་སྨན་བཅོས་འགན་བཅོལ་འབྲེལ་བ་གནས་སྤོ་་མཐུད་འབྲེལ་ཡི་གེ》སྒྲུབས་དགོས།ཞིང་ཆེན་སྨན་བཅོས་འགན་སྲུང་ཅུས་ལ་འབྲེལ་གཏུགས་ཡི་གེ་《སྨན་བཅོས་འགན་སྲུང་ནང་ཞུགས་པའི་འཛིན་ཡིག》འབྱོར་རྗེས་དཔར་འགྲེམ་བྱས་ཏེ།ས་ཁུལ་གསར་བར་སྨན་བཅོས་འགན་སྲུང་ལག་འགྲིམ་སྒྲིག་གཞིར་《སྨན་བཅོས་འགན་སྲུང་ནང་ཞུགས་པའི་འཛིན་ཡིག》འབྱོར་རྗེས།མ་གཞི་ནས་འགན་སྲུང་ནང་ཞུགས་པའི་ལོ་ཚད་རྒྱུན་མཐུད་བྱས་ཆོག གཉིས། ལས་འཁྱུར་ངལ་གསོའི་དུས་ལ་ཐོན་དུས་ཕྱིར་མཚོ་སྔོན་དུ་ལོག་ན། མཚོ་སྔོན་ནས་ལས་ཞུགས་ལས་ཁུངས་མེད་པས་ས་གནས་ཁྱིམ་ཐོ་ཁོ་ན་ཐོགས་ནས་སྡོད་དམངས་སྨན་བཅོས་འགན་སྲུང་སྒྲུབ་དགོས། མིག་སྔར། གྲོང་རྡལ་སྡོད་དམངས་སྨན་བཅོས་འགན་སྲུང་སྤྲོད་པའི་ལོ་ཡི་ཚད་བཀག་གི་གཏན་ཁེལ་མེད། གཉིས། གལ་ཏེ་ས་གནས་གཞན་པ་སོང་རྗེས་ལས་ཞུགས་ལས་ཁུངས་མི་བརྟན་ན། གྲོང་རྡལ་ལས་བཟོ་སྨན་བཅོས་འགན་སྲུང་ནང་ཞུགས་མི་ཐུབ། ཡིན་ནའང་མཚོ་སྔོན་གྱི་ས་གནས་ཁྱིམ་ཐོ་སྟེང་གང་ལ་གང་འཚམ་གྱི་ལས་ཞུགས་མི་སྣ་ལས་བཟོ་སྨན་བཅོས་འགན་སྲུང་སྒྲུབ་ན།ལས་འཁྱུར་ངལ་གསོ་བྱས་རྗེས་ལས་བཟོའི་སྨན་བཅོས་འགན་སྲུང་གི་གླ་ཕོག་རོལ་མྱོང་བྱེད་ཐུབ། གལ་ཏེ་ད་རུང་འདྲི་རྒྱུ་ཡོད་ཡོད་ན་ཞིང་ཆེན་སྨན་བཅོས་འགན་སྲུང་ཅུས་ལ་ཁ་པར་བཏང་ནས་བློ་འདྲི་བྱས་ཆོག ཁ་པར་ཨང་གྲངས0971-8213983



བར་འདུག་དགོས་པའི་རྒྱུ་མཚན་ཅི།
2017-10-13 16:45:47  |  110.166.**.**     **   རྡོ་རྗེ། སྐུ་ཞབས།     དང་ལེན་བྱས་ནས་ལན་བཏབ་པ།
ལོ་སྔོན་མ་དག་གི་ནང་ཟི་ལིང་དང་མཚོ་ཤར་སོགས་ཀྱི་ས་ཁུལ་ན་བཀོལ་བའི་སྡོད་ཁང་གི་སྤྱི་གསོག་དངུལ་དངུལ་བུན་བླངས་ན་བར་འདུག་པ་མི་དགོས་པས།ཅི་ཞིག་ལ་མཚོ་བྱང་ཁུལ་ལ་ད་རུང་བར་འདུག་པ་དགོས་པ་རེད།
2017-10-13 16:48:35  |  ཀྲུང་གུང་མཚོ་བྱང་ཁུལ་ཨུའུ་ལྟ་ཞིབ་ཁང་།

    བརྟག་དཔྱད་བྱས་པ་བརྒྱུད།སྡོད་ཁང་གི་གཞུང་གསོག་དངུལ་བུན་བླངས་ན་བར་འདུག་དགོས་པ་རེད།ཁྲིམས་ལུགས་གཞིར་འཛིན་ས་ནི་ཀྲུང་གོ་མི་དམངས་དངུལ་ཁང་《སྒེར་གྱི་སྡོད་ཁང་འགན་སྲུང་དངུལ་དོ་དམ་བྱ་ཐབས》གྱི་འབྲེལ་ཡོད་གཏན་ཁེལ་ལྟར། མི་སྒེར་གྱི་སྡོད་ཁང་གི་དངུལ་བུན་ལེན་པ་ལ་ངེས་པར་དུ་གཏའ་མ་འཇོག་པ་དང་ཁག་ཐེག་མི་སྣའི་ཁག་ཐེག་བྱེད་ཐབས་འདོན་སྤྲོད་བྱེད་དགོས།མཚོ་བྱང་ཁུལ་གྱིས1998ལོ་ནས་བཟུང་མི་སྒེར་གྱི་སྡོད་ཁང་གི་སྤྱི་གསོག་དངུལ་དངུལ་བུན་ལེན་པ་སྒྲུབ་པ་དང་། ཁག་ཐེག་བྱེད་ཐབས་ནི་ལས་བཟོ་བའི་སྡོད་ཁང་སྤྱི་གསོག་དངུལ་མཉམ་དུ་ཁག་ཐེག་བྱེད་པ་ཡིན་སྟེ། 2010ལོའི་ཟླ9ནས་བཟུང་།ཁག་ཐེག་བྱེད་ཐབས་ལས་བཟོ་བའི་སྡོད་ཁང་སྤྱི་གསོག་དངུལ་མཉམ་དུ་ཁག་ཐེག་དང་སྡོད་ཁང་གཏའ་མ་འཇོག་པ་གཉིས་ཡོད། སྔར་ལས་ལྷག་པའི་རང་ཞིང་གི་སྡོད་ཁང་སྤྱི་གསོག་དངུལ་གྱི་དངུལ་བུན་སྤྱོད་ལམ་ཇེ་ལེགས་སུ་གཏོང་ཆེད།ད་ལོར་ཞིབ་འཇུག་བྱས་སྟེ《མཚོ་བྱང་ཁུལ་སྡོད་ཁང་གཞུང་གསོག་དངུལ་གྱི་མི་སྒེར་སྡོད་ཁང་དངུལ་བུན་འགྲོ་ལུགས་སྒྲུབ་པའི་ལས་རིམ》དངོས་སུ་དོན།གཞན་ད་དུང་《མདོ་ལ་རི་བོའི་ཚགས་པར་》སྟེང་བཀོད་སྟེ་ཁྱབ་བསྒྲགས་བྱས། རྒྱུས་ལོན་གསལ་བོར་བྱེད་འདོད་ན0970—8643110ཁ་པར་གཏོང་རོགས།