ཏུན་ཧོང་གཏེར་ཡིག་ལས་བོད་ཀྱི་བཙན་པོ་རིམ་བྱུང་གི་ལོ་རྒྱུས།༢

      ཡོང་ཁུངས། : སྐད་འཕྲིན།      སྤེལ་དུས། : 2017-04-26 10:37:06      རྩོམ་སྒྲིག་པ། : རྟ་མགྲིན་དཔལ།

      ཏུན་ཧོང་གཏེར་ཡིག།

      བོད་ཀྱི་བཙན་པོ་རིམ་བྱུང་གི་ལོ་རྒྱུས།

      ལེའུ་བཞི་པ།

      །།བཙན་པོ་སློན་མཚན་དང་། སློན་ཀོལ་མཆེད་གཉྀས་ཀྱིས། མྱང་ཙེ་སྐུ་དང་། དབའས་དབྱྀ་ཚབ་དང་། དབའས་མྱེས། སྣང་དང་། དབའས་པུ་ཚབ་དང་། མནོན་འདྲོན་པོ་དང་། ཚེས་པོང་ནག་སེང་དྲུག བྲོ་སྩལ་པའི་ཚྀག་ནི། དེང་ཕན་ཆད། ཟིང་པོ་རྗེ་རྒྱབ་དུ་མྱྀ་དོར་རེ། སྤུ་རྒྱལ་པང་དུ་མྱྀ་ལེན་རེ། །བཙན་པོ་སྤུ་རྒྱལ་ལ་གློ་བ་འདྲྀང་(153)རེ། །མཐང་གྲང་རེ། མན་ངག་ཐུབ་པར་མྱི་འཚལ་རེ། པྱི་མ་ནང་འཚལ་རེ། སོམ་ཉི་བགྱིད་རེ། །བརྟུལ་ཕོད་པར་མྱྀ་འཚལ་རེ། །སྲོག་སྤོངས་(མྱི)འཚལ་རེ། །བཙན་པོ་སློན་བཙན་གྱིས། །བཀའ་ཇྀ་སྩལད་པ་བཞྀན་མྱི་ཉན་རེ། གཞན་སུས་བསླུས་ཀྱང་ཉན་རེ་བར་བྲོ་སྩོལ་ཏོ། །མྱང་ཙེང་ཅུང་དང་། མྱང་མུ་རྣམས་བྲོ་ལ་གཐོགསོ། །དེ་ནས་དགུང་ཐུས་བགོས་སྟེ། སླར་མཆིས་སོ། །གཅུང་སློན་ཀོལ་དང་། ཡུལ་སྟོང་ཙུན་གཉིས་ནྀ། །སླད་ན་ཡུལ་འཚོའ། །ཞྀང་བཞུགས་སོ། །བཙན་པོ་ཁྲི་སློན་བཙན་གྱིས། ཞབས་ཀྱྀས་བཙུགས་ཏེ། དམག་ཁྲི་དང་ཆསྟེ་དྲངས་སོ། །མྱང་ཙེང་སྐུ། །དང་། མནོན་འདྲོན་པོ་གཉིས་ནི། །སྟག་པ་ཤརུ་ལ་ཚུན་ཆད། །བྱ་གཆོད་(154)ཆིང་ཉན་རྣར་བཀྱེའོ་(155)། །དབའས་དབྱྀ་ཚབ་དང་། །ཚེས་པོང་ནག་སེང་གཉིས་ནྀ། །བཙན་པོ་འི་སྤྱན་འདྲེན་ནོ། །ཆུ་བོ་ནི་རབ་ཏུ་བཏོད་དོ། །དྲ་ལ་(156)ནྀ་དབྱེ་རུ་བཏྀང་ངོ་། ། མཁར་ཡུ་སྣ་ནི་ཕབ་བོ། །དགུ་གྲྀ་ཟིང་པོ་རྗེ་ནྀ་བརླག་གོ། །མང་པོ་རྗེ་སུམ་བུ་ནྀ་དྲུ་གུ་ཡུལ་དུ་བྲོས་སོ། །ཕགི་ཡུང་བ་སྣ་མན་ཆད། རྐོང་བྲེ་སྣར་ཡན་ཆད། བཙན་པོ་ཕྱག་དུ་བོན་ཏོ། །བཙན་པ་ཁྲི་སློན་བཙན་གྱྀས། །བཀའ་སྩལ་ཏེ། །ཡུལ་ངས་པོ་ལས། །འཕན་ཡུལ་དུ་མྱྀང་སྤོས་སོ། །མྱང་དབའས་ཀྱྀས། །མཆིད་བླངས་པ། །གཟུས་ནྀ་ལྷ་བོན་ཏོ། །སློན་མཚན་སློན་ཀོལ། །གཟུས་(159)ནྀ་ལྷ་བོན་ཏོ། །སྲིན་བྱ་རྒོད་ཀྱིས་བཏགསྟེ། །ཚེས་པོང་ནག་སེང་གིས་བཏགས་སོ། །རྗེ་བདེན་གྱྀས་ནྀ་བཀོལ་ཏོ། །སྒ་བདེན་གྱྀས་ནི་བསྟད་དོ། །མྱྀ་སྨོན་རུམ་དུ་སྤུང་ངོ། །མཚེ་གཟུགས་(160)རུམ་དུ་འཁྲུངས་སོ། །དེ་ནས་ཡུལ་ངས་པོ་འི། །འབངས། །དབའས་དབྱྀ་ཚབ་ལ་སྩོགས་པས། །བཙན་པོ་འི་མཚན་གསོལ་པ། །ཆབ་སྲིད་གནམ་བས་མཐོ། །དབུ་རྨུག་རི་བས་བརྩན་ཏེ། །གནམ་རྀ་སློན་མཚན་དུ་བཏགསོ། །མྱང་དབའས་མནོན་དང་གསུམ་གྱིས། །ཟིང་པོ་རྗེའི་སྲིད། །བཙན་པོ་སྤུ་རྒྱལ་གྱི་ཕྱག་དུ་དངར་ཏོ། །དེ་ནས་གནམ་རི་སློན་མཚན་གྱིས་ཕྱག་ལྕག(161)གིས་དྲས་(162)ཏེ། །མྱང་ཙེང་སྐུའི་བྱ་དགའར། ། མཉན་འཛི་ཟུང་གི་མཁར་སྡུར་བ་དང་། བྲན་ཁྱིམ་སྟོང་ལྔ་བརྒྱའ་སྩལཏོ། །དབའས་དབྱི་ཚབ་ཀྱི་བྱ་དགའར། །ཟ་གད་གཤེན་ཀྱི་ཡུལ་ས་དང་། །མལ་ཏྲོ་ཕྱོགས་ནས་བྲན་ཁྱིམ་སྟོང་ལྔ་བརྒྱའ་སྩལ་ཏོ། །མནོན་འདྲོན་པོའི་བྱ་དགའར། ཁོ་ནའི་པུ་ནུ་པོ་མནོན་ལ་སྩོགས་པ་བྲན་ཁྱིམ་སྟོང་ལྔ་བརྒྱའའ་སྩལ་ཏོ། །ཚེས་པོང་ནག་སེང་གི་བྱ་དགའད་འོན་ཀྱི་སྨོན་མཁར་ནས། བྲན་ཁྱིམ་སུམ་བརྒྱའ་སྩལ་ཏོ། །མྱང་ཙེང་ཅུང་དང་། ཕ་སྤུན་པོ་མུ་གསེང་གཉིས་ནི་དཀུ་ལ་གཐོགས་སྟེ། དཀུ་རྒྱལ་(163)པའི་ནང་དུ་ཡང་གཐོགས་སོ། །དབའས་དབྱི་ཚབ་ཀྱི་ཚ་བོ། །སྟག་པོ་རྗེ་མྱེས་སྣང་དང་། མང་པོ་རྗེ་པུ་ཚབ་གཉིས་དཀུའ་རྒྱལ་ལ་གཐོགས་སོ། །ཚེས་པོང་ནག་སེང་གི་ནུ་བོ་ན་གུ་དཀུའ་རྒྱལ་ལ་གཐོགས་སོའ། །འུང་ལྟ་སྟེ། མྱང་དབའས་མཐོན་དང་གསུམ། ཚེས་པོང་སྲིན་དང་བཞིས། །གློ་བ་ཉེ་ནས། བྲན་ཁྱིམ་མང་པོ་དང་ཡུལ་ཆེད་པོ་སྩལ་ཏོ།། བཙན་པོའི་བློན་པོར་བཅུག་གོ།། རྒྱལ་པོ་འདིའི་རིང་ལ། །ཁྱུང་པོ་སྤུང་སད་ཀྱིས་རྩང་བོད་(164)ཀྱི་རྗེ་བོ་མར་མིན་མགོ་མཆད་དེ། ། རྩང་བོད་ཁྱིམ་ཉི་གྲི། །བཙན་པོའི་ཕྱག་དུ་པུལ་ཏེ། །ཟུ་ཙེ་གློ་བ་ཉེ་འོ། །འུང་ནས། བཙན་པོ་སློན་བཙན་གྱིས། །རྩང་བོད་ཁྱིམ་ཉིས་གྲི། །ཟུ་ཙེ་གློ་བ་ཉེ་བ་འི་བྱ་དགའར་སྩལ་ཏོ། །འུང་གི་འོག་དུ་བཙན་པོ་མཆེད་གཉིས་ལ། །མོང་སློན་པོ་གློ་བ་རིངས་པ། ཟུ་ཙེ་གློ་མ་ཉེ་བས་དཀུའ་བེལ(165)ནས། བཙན་པོ་མཆེད་གཉིས་ཀྱི་སྐུ་ལ་མ་དར་པར་(166)།། མོང་སྔོན་པོ་བཀུམ་སྟེ།། ཟུ་ཙེ་གློ་ཉེའོ། །ཟིང་པོ་རྗེ་སྲིད་བརླག་པའི་བློ་ལའ་གཐོགས་ཏེ། ། ཟུ་ཙེ་གློ་ཉེ་འོ། ། འུང་གི་རྗེས་ལ་དགས་པོ་འབངས་སུ་མངའ་བ་ལས་ལོག་གོ ། འུང་ནས་རྗེ་བློན་ཡོངས་སུ་འདུས་ཏེ། དགས་པོ་ལྷ་དེ་དགུག་པའི་བཀའ་གྲོས་མཛད་ནས་དམག་པོན་སུས་བྱ་ཞེས་བློད་ན། སེང་གོ་མྱི་ཆེན་གྱིས། ཁོ་བོས་རྔོ་ཐོག་ཆེས་ཁས་བླངས་སོ། ། འུང་ནས་ཁྱུང་པོ་སྤུང་སད་ན་རེ།། ཁྱོ་འདྲའས་ (167)དམག་པོན་འོང་འམ། ། མྱི་འཛངས་པ་གོ། ཀྱེའུ་(168)ནང་དུ་མྱུང་བུ་(169)བཅུག་པ་དང་མཚུངས་ཤེས་བྱ་ན། ཁྱོ་འདའ་བཙན་པོའི་སྣམ་པྱི་པར་(170)བཀའ་སྩལ་ནས།། ལོ་དུ་མ་ཞིག་ལོན་ན།། འཛངས་རྔོ་ཐོག་གོ་ཞེས། ། མྱི་ཆིག་གིས། བསྟོད་པ་ཁོ་བོས་མ་ཐོས་ན།། ཁྱོ་འདའས་མྱི་འོང་བ་ལ་བསྒྲེ་བསྒྲེ་(171)སྟེ། འབངས་ཆབ་འཚལ་བར་(172)མཆི་འོ། ། ཞེས་བྱས་སོ། ། མྱི་ཆེན་ན་རེ། མྱི་ཡོངས་ཀྱིས་ཁོ་བོ་ལ་སྙན་དུ་མྱི་བརྗོད་པ་ཡང་བདེན་ནོ། ། ཁོ་བོ་སྔོན་སྒྱེའུ་ནང་དུ་ཞུགས་ཀྱང་མ་ཞུགས། རྩེ་མོ་པྱིར་(173)མ་བྱུང་བ་ཡང་བདེན་ནོ། །ཁོ་བོ་སྔོན་སྒྱེའུ་ནང་དུ་ཞུགས་སུ་ཟིན་ན།། རྩེ་མོ་བས་ཡུ་བ་ཕན་ཆད་པྱུང་(174)སྟེ་སོང་ཟིན་ནོ། ། འུང་གིས་དེང་ཐོ་བས་གསོལ་བ་ཡང་། ། སྔོན་ཇི་འི་ནང་དུ་ཡང་མ་ཞུགས་པས། གདོད་འཇུག་པར་གསོལ་བ་ཡིན་ནོ་ཞེས་བྱས་སོ། །འུང་ནས་བཙན་པོས་ཀྱང་། མྱི་ཆེན་གསོལ་བ་བཞིན་གནང་ནས། དགས་པོ་འབངསུ་དགུག་པའི་དམག་པོན་དུ་བཀའ་སྩལ་ཏོ།། འུང་ནས་མྱི་ཆེན་གྱིས། ། དགས་པོ་ལྷ་དེ་ལ་བརྒལ(175)ཏེ། ། དགས་པོ་ཡོངས་སུ་བཀུད་ཏེ། །མྱི་ཆེན་གྱི་བྱ་དགའར། གསེར་ཁུང་རེ་འུ་རྒལ་གྱི་མྱི་དང་འབྲོག་དུ་བཆས་ཏེ་སྩལ་ཏེ།། འབྲོང་ཆེ་པོ་དངུལ་གྱི་རྭ་མྱི་ཡོངས་ཀྱི་ཁ་ན་བརྗོད་ན། ། སོང་འགོ་མྱི་ཆེན་གྱིས། ། དགས་ཀྱི་བསེན་མཁར་ལ། ། མདུང་མོ་ཐབས་གཆིག་གིས། ། འབྲོག་མོ་ཐང་གང་ཐོབ། པྱོགས་རྔེག་སུམ་བརྩན་སྐྱ་བོ་རེང་(176)གིས། དཔའ་བའི་པུལ་པྱིན་ན་(177)།། ཉིན་ཆིག་ལ་དགས་པོ་མྱི་བརྒྱའ་བསད་ཆེས་འུང་སྐད་དོ(178)།། འུང་གི་རྗེས་ལ། ། མྱང་སྨོན་ཏོ་རེ་གློ་བ་ཉེ་བའི་བུ། ། ཞམ་སྣང་བཙན་པོ་འི་ཞ་འབྲིང་སྣང་མ་པ་(179)འཚལ་ཞིང་མཆིས་སོ། །འུང་གི་རྗེས་ལ།ཞ བཙན་པོ་རྗེས་འབངས་དགྱེས་སྐྱེམས་སྟོན་མོ་གསོལ་ལོ།། འུང་གི་ཚེ་ཁྱིམ་པོ་སྤུང་སད་ཀྱི་གླུ་བླངས་པའི་ཚིག་ལ།

      མོན་ཀ་འི་ནི་སྟག་ཆིག་པ།

      སྟག་བཀུམ་ནི་ཟུ་ཙེས་བཀུམ།

      གུང་བཀྲོས་(180)ནི་པྱག་དུ་པུལ་(181)།

      སླ་ལྭོ(182)ནི་ལྷེ་(ལྷོ)རྔེགས་(183)སྩལད།

      རྩང་བྲང་ནི་ཡ་སྟོད་ཀྱི།

      ཐང་པྲོམ(184)ནི་རྒོད་ལྡིང་བའ།།

      རྒོད་བཀུམ་ནི་ཟུ་ཙེས་བཀུམ།།

      རྒོད་གཤོག་ནི་པྱག་དུ་པུལ།།

      གསབ་གསོབ་(185)ནི་ལྷོ་རྔེགས་སྩལད།།

      ན་ནིང་ནི་གྱེ་ནིང་སྔ།།

      ཏི་སེ་ནི་གངས་དྲུང་ནས།།

      ཤ་དང་ནི་རྐྱང་བྱེར་བའ(186)།།

      ཀླུ་དེ་ཞེས་བླངསོ།། འུང་ནས་བཙན་པོའི་ཐུགས་ལ་དགོངས་པ། ། བློན་པོ་ལྷོ་རྔེགས་གཆིག་གིས་ལན་བླན་བར་ཐུགས་རེ་བ་ལས། སུས་ཀྱང་མ་བླན་ཏོ།། འུང་ནས་ཞང་སྣང་པེའུ་ཟུང་འབྲིང་པོ་བཆས་པ་ཙམ་ཞིག སྣང་མ་ལྟོམ་ཞིང་མཆིས་པ་ལ། ཁྱོད་ཕ་སྙིན(སྙིང་)ཉེ་བའི་བུ་ན། ། ཀླུ་ཤེས་སམ་ཞེས་རྨས་པ་དང་། ཞང་སྣང་གིས་མཆིད་འཚལ་ཞེས་གསོལ་ཏོ།། ཞང་སྣང་གིས་ཀླུ་བླངས་པ།།

      ཀྱེ་ན་ནིང་ནི་གཞེ་ནིང་སྔ།།

      ཆབ་ཆབ་ནི་ཕ་རོལ་ན།།

      ཡར་ཆབ་ནི་ཕ་རོལ་ན།།

      དགུ་གྲི་(197)ནི་ཟིང་པོ་རྗེ།།

      ཉ་ལས་ནི་ཁམ་དུ་དཀོང་(198)(199)།

      ཁམ་ལས་ནི་རྨེག་དུ་བཏའ(200)།།

      སྐྱི་ནས་ནི་ཉ་འདོན་པ།

      དབྱི་ཚབ་ནི་པངས་ཏོ་རེ།།

      ཀླུམ་ན་ནི་ཚབ་(ཆབ)གཚོད་(201)པ།།

      ཙེང་སྐུ་ནི་སྨོན་ཏོ་རེ།།

      ཁུར་ར་ནི་རགས་ཐོགས་ཤིང་།།

      དོག་གི་ནི་ས་སྐྱེད་པ།།

      པང་སུམ་ནི་འདྲོན་པོ་ཞིག །

      ཐང་ལ་ནི་རྩེ་བཆད་(202)ཆིང་།།

      ཤམ་པོ་ནི་རྨེད་དུའ་བསྣན།།

      ཡུ་སྣ་འི་ནི་མཁར་པབ་ཆིང་།།

      པྱིང་བའི་ནི་སྣོན་དུ་བགྱིས།།

      སྔ་(ན)ནི་མཐོ་བ་ལ།།

      ད་ཙམ་ནི་དགུང་ལ་རེག

      ངས་པོ་ནི་སྒང་དྲས་(203)ཤིང་།།

      ཡར་མོ་ནི་ཁོལ་དུ་སྩལ།།

      སྔ་ན་ནི་ཆེ་བ་ལ།།

      ད་ཙམ་ནི་མཐའ་ཡང་ཡས།།

      ལྷོ་རྔེགས་ནི་འཕན་གྱི་སྣོན།།

      ལྡོང་ཏོང་ནི་འཕན་གྱིས་བཏབ།།

      སྔ་ན་ནི་འཕན་པ་ལ།།

      ད་ཙམ་ནི་འཔྱན་ཡང་ཡས་(204)།

      ན་ནིང་ནི་གཞེ་ནིང་སྔ།།

      ཕོ་མའི་ནི་འབྲོང་བཀུམ་པ།།

      ལྷོ་ཤིང་ནི་སྨྱུག་མོ་རྒྱལ།།

      ལྕགས་ཀྱིས་ནི་མ་དྲལ་ན(205)།།

      སྨྱུག་གིས་ནི་རེ(206)མྱི་པུགས།།

      རྒོད་ཀྱིས་ནི་མ་བསྒྲོན་ན།།

      འབྲོང་ལ་ནི་རེ་མྱི་འི་འཛེན་(207)།།

      ངས་པོ་ནི་ར་ཡུལ་གྱི།

      ཀོམ་རྩེ་ནི་གཟིག་མོ་རྒྱལ།།

      ཁབ་ཀྱིས་ནི་མ་པུག(208)ན།

      རྒྱུས་ཀྱིས་ནི་རེ་མྱི་སྤུགས་(209)།

      རྒྱུས་ཀྱིས་ནི་མ་དྲངས་ན།

      ཀོམ་ཙེ་(210)ཉི(ནི)ཉིད་མྱི་འཇོ་(211)།།

      ཞེས་གླུ་བླངས་ནས། ཚིག་དེས། བཙན་པོ་ཐུགས་བཉེ་སྟེ། མྱང་ཞང་སྣང་བློན་པོར་བཅུག་ནས། བློན་པོའི་མཚན་མར་ཡང་རྡུལ་(རྔུལ་)གྱི་པུག་བུ་ཆུང་(212)སྩལ་ཏོ།།

      ལེའུ་ལྔ་པ།

      འུང་གི་རྗེས་ལའ།། དབའས་ཕང་ཏོ་རེ་དབྱི་ཚབ་རྒས་ཏེ། ཉི་མ་འདེ་ཞིང་མཆིས།། བཙན་པོ་ཁྲི་སྲོང་བརྩན་ཉེན་ཀར་ནས། སྐྱི་ལུང་དུ་གཤེགས་ཀར། ཕངས་ཏོ་རེ་དབྱི་ཚབ་གྱིས།། བྲིན་སྙ་དོ་རེ་གཙུག་བློན་ལས་གསོལ་ཏེ། །གནའ་ཟིང་པོ་རྗེ་རྒྱབ་དུ་བོར། ། སྤུ་རྒྱལ་ཕང་དུ་ལེན་ལེན།། ཆབ་སྲིད་ཆུར་(213)ནི་བསྲིངས། ཞེང་དུ་ནི་བསྐྱེད་བསྐྱེད་ན།། མྱང་གིས་སྲིད་མ་ཐུབ་སྟེ།། བཀྱོན་ཕབ་ནས། ། བདག་ཆག་སྤད་མཚན་(214)། བླར་གློ་བ་མ་རིངས། ། མཐང་མ་གྲང་ཞིང་མཆིས་ན།། ད་རོ་ལས་བལྟས་ན་ནི་ཉམ་ཆུང་།། རྨ་ལས་བལྟས་ན་ཕོག་སྙ(215)ཆེ་ཞིང་མཆིས་ན།། བདག་རྒན་པོ་ཙམ་ཞིག་མ་གུམ་པར། ། དབུ་སྙུང་ཁུད་པ་ཙམ་གསོལ།། བདགི་བུ་ཚ་བྲོ་ཁུད་པར་སྩལ་པར་ཇི་གནང་།། བཙན་པོ་ཡབ་ནི་བདགི་མཆིས་བྲང་དུ་གདན་བཏིང་ཡང་གནང་ན། ། ད་ཤུལ་ཡོགས་སུ་(216)ལ་མོ་ཆག་པ་པྲུམ་(217)དུ་ཕྱག་ཐབ་ཙམ་ཞིག་གསོལ(218)དུ་ཇི་གནང་ཞེས་གསོལ་ནས། དེ་ཙམ་ན་མྱང་དང་ཅོག་རོ་སྟོད་རིམས་ལ་བཀྱོན་དབབ་པར་བགྱིས་སྟེ།། ཁྲ་ཁྲུག(219)……རྗེས་ལ་བབ་ནས།། གསོལ་དགུང་ཡང་གནང་སྟེ།། བཙན་པོ་ཞ་སྔ་ནས།། བཀའ་སྩལད་པའ།། མྱི་དྲིན་……མྱི་ནི་སྙིང་མྱི་གཆད།། རྟ་ལྟེ་འུ་རྟ་ནི་སྒལ་མྱི་དབྱུང་།། སྔ་ན་ངའི་ཡབ་ཀྱི་རིང་ལ།། འབྲིང་ཐོ་རེ་སྦུང་བརྩན་དང་།། ཕངས་ཏོ་རེ་དབྱི་ཚབ་དང་ཁྱེད་གཉིས།། ཆབ་ཕ་རོལ་ཚུ་རོལ་གྱི།། གུང་བློན་འཚོལ་ཆིག་པར་དགོད་དགོད་(དགོང་དགོང་)པ་ལས། འབྲིང་ཏོ་རེ་སྦུང་བསྩན་ནི་ཤི།། ཁྱོད་ནི་རྒས་སྟེ་ཉི་མ་འདེར་གནང་སྟེ་བཞག མྱང་ཞང་སྣང་བློན་ཆེར་བསྐོས་ཏེ་བཞག་ན།། ཡབ་ནོངས་ནས། མྱང་གིས་ཀྱང་གློ་བ་རིངས་སྟེ། བཀྱོན་ཕབ་པའ་ཡིན་ནོ།། ད་ཁྱེད་དབའས་ཕ་ཆིག་ནི།། གདོའ་ཐག་གཉིས་སུ།། གློ་བ་མ་རིངས་པོས།། ལ་མོ་ཆག་པ་པྲུམ་དུ་པྱག་ཐབ་ཀྱང་གསོལ་ཆིག། དབུ་སྙུང་ཡང་གནང་ངོ་ཞེས་བཀའ་སྩལ་ཏོ།། ལ་མོ་ཆག་པ་པྲུམ་དུ། རྩང་(220)ཕྱེད་པུབ་སྟེ། པྱག་ཐབ་གསོལ་ཏོ།། སྐུ་རྟེན་དུ་ཁྲབ་བསེའ་སྣ་བཅུ་དང་། ལྡོང་པྲོམ་(221)གྱི་རལ་གྱི་མདོར་ཅོད(222)གཉིས་གསོལ་ཏོ།། བཙན་པོས་དབུ་སྙུང་ཡང་གནང་ངོ་།། དབའས་དབྱི་ཚབ་སྤུན་མཚན་བདུན་ཡང་བྲོ་སྩལ་ཏོ།། བཙན་པོས་བཀའ་སྩལད་པ།། དབྱི་ཚབ་གློ་བ་ཉེ་བས།། གུམ་ན་མཆད་(223)ཕྱག་དར་(224)པོ་བརྩིག་པར་གནང་རྟ་ནི་བརྒྱའ་དགུམ་བར་གནང་།། བུ་ཚ་གང་རུང་བ་གཆིག གསེར་གྱི་ཡི་གེ་མྱི་ཆད་པར་སྩལད་པར་བཀའ་སྩལ་ཏོ།། བཙན་པོ་ཞ་སྔ་ནས།། མགུར་བླངས་པའ།།

      ཡར་མོ་(225)ནི་ཆུ་ཐུངས་ཀྱིས།།

      མདོ་ནས་ནི་རྩང་བུ་བསྲིང་།།

      ཡར་མོ་ནི་ཞེང་ཆུངས་ཀྱིས།།

      ལྷོ་ནས་ནི་བྱང་དུ་བསྐྱེད།།

      འཐམ་འཐམ་(226)ནི་འདུ་འདུ་ན།

      ངག་རྗེས་(227)ནི་མྱིས་མྱི་བརྗོད།།

      འགྲོ་འགྲོ་ནི་འཆམ་འཆམ་ན།།

      ཆགས་ལྷམ་ནི་ཆུས་མྱི་སྣང་།།

      ཁྱོད་གྱིས་ནི་ང་མ་གཏང་(228)

      ང་འིས་ནི་ཁྱོད་མྱི་གཏང་།།

      ང་འིས་ནི་ཁྱོད་མྱི་གཏང་།།

      ད་འིས་ནི་ཁྱོད་གཏང་ན།།

      དགུང་མཐའ་ནི་སྲུང་དུ་རུང་།།

      ཁྱོད་ཀྱིས་ནི་ང་གཏང་ན།།

      ངས་པོ་(229)ནི་རྨད་དུ་རུང་།།

      ཞེས་བཀའ་སྩལ་ཏོ།། དེ་ནས་དབའས་དབྱི་ཚབ་ཀྱིས་མཆིད་བླངས་པ།།

      བཚན་དུ་ནི་བདག་འཚལ་ན།།

      ཆུང་ན་ནི་རྗེ་ཁུར་ཆིག །

      པྱག་དུ་ནི་བདག་འཚལ་ན།།

      ལྷ་རི་ནི་གཡང་སྐྱོང་(230)ཤིག

      རྗེ་འིས་ནི་བཀའ་སྩལ་ན།།

      གཞའ་མ་(231)ནི་ཡུད་ཀྱི་སྲིད།།

      བྱ་འིས་ནི་ཞུ་པུབ(232)ན།།

      ལ་པྱི་ནི་གདངས་(233)སུ་དྲོ(234)།།

      ཞེས་མཆིད་བླངས་ནས།། སླད་མཚན་བདུན་གྱིས་གཏང་རག(235)ཆེད་པོ་བཏང་ངོ་། ། དབུ་སྙཡང་གནང་བའི་གོར་མ་པྱག་དུ་བོན་པ་ནི།། རྒྱལ་འབྲིང་ལན་ཏོན་གྱིས་བླང་སྟེ་པྱག་དུ་གསོལ་ནས།། གོར་མ་དཀར་པོ་དངོས་ནི།། དབྱི་ཚབ་ཀྱི་མཆད་པའི་རྨང་དུ་བརྩིགས་སོ།། ཞང་ལོན་ཞ་བྲིང་དུ་བྲོ་འདོར་འདོར་བ། ཁུ་ཁྲི་དོ་རེ་སྨྱང་ཞུང་དང་། གནུབས་སྙ་དོ་རེ་གཙུག་བློན་དང་། རྔེགས་རྒྱལ་འབྲིང་ལན་ཏོན་དང་། ཚེས་པོང་ཁྲི་བཙན་ཁོང་སྟོ་དང་། འོ་མ་ལྡེ་ཁྱི་བཟང་ལོད་བཙན་དང་། ཁུ་སྨོན་ཏོ་རེ་ཕངས་ཚབ་དང་། རྗེ་བློན་བདུན་གྱིས་དེ་ལྟར་དབུ་སྙུང་གནང་ངོ་།། དབུ་སྙུང་གནང་པའི་ཚིག་ནི། ད་པྱིན་ཆད་ཁྱེད་སྤད་མཚན་གྱིས།། བཙན་པོ་སྤུ་རྒྱལ་གྱི་ཞ་སྔར། གློ་བ་མ་རིངས་མཐའང་མ་གྲང་ན།། ནམ་ནམ་ནམ་ནམ། ཞ་ཞ་ཞ་ཞར(236)ཡང་། དབྱི་ཚབ་གྱི་བུ་ལ་མ་ཉེས་པར་བཀྱོན་དབབ་རེ་(237)། འཕྲའ་མ་(238)མྱི་ནག་གསན་རེ།། འཕྲའ་མ་ཞིག་གསན་ན་ཡང་། ཤགས་བྱ་སྟེ་ཡུས་བཀྲོལ(239)ནས།། བཀའས་མྱི་གཆད་རེ།། དབྱི་ཚབ་ཀྱི་བུ་ཚ་ལ་ལ་ཞིག་གིས།། མ་བསམས་སྟེ་སྙིང་རིངས་ན་ཡང་།། གང་སྙིང་རངས་པ་ཉི་ཙེ(240)འི་སྒོར་མྱི་བཀྱོན་རེ།། གཞན་བྲོ་ལ་མ་གཐོགས་པ་རྣམས་ལ། བཀྱོན་རེ།། ཕག་དང་མཚུངས་མཚོན་གྱིས་མྱི་དགར་རེ།། བྱ་དང་མཚུངས་ཁྱུས་བདའ་རེ།། མ་ཉེས་པ་ཞིག་གིས་རྔོ་ཐོག་ན།། བསྐྱུང་རེ་སྨད་རེ།། དབྱི་ཚབ་ཀྱི་བུ་གཆིག་ལ། གསེར་གྱི་ཡི་གེ་ལས་སྨད་རེའ། ཁོལ་ཡུལ་ཡང་མ་ཉེས་པར་དཔྲོག་རེ།། སྙིང་མ་རིངས་པར་རབས་ཆད་ན། ཁོལ་ཡུལ་བཞེས་རེའ།། ཁྱེད་གློ་བ་རིངས་ན་དབུ་སྙུང་ལ་མ་གཐོགས།། ཁྱེད་ཀྱིས་ཁོལ་ཡུལ་ཞིག་བརྗེས་སམ་པུལ་ན།། དམུ་སྙུང་ལ་མ་གཐོགས།། ནམ་ནམ་ནམ་ནམ། ཞ་ཞ་ཞ་ཞར། སྲས་དཔོན་གྱི་ཞ་སྔར་འདི་བཞིན་དུ་གནང་ངོ་།། དབྱི་ཚབ་སྤད་སྤུན་(241)བྲོ་སྩལད་པའ། བཙན་པོ་སྤུ་རྒྱལ་ཁྲི་སྲོང་བརྩན་ཡབ་སྲས་དང་གདུང་རྒྱུད་ལ། གློ་བ་འདྲིང་རེ། ནམ་ནམ་ཞ་ཞར་ཡང་། དབོན་སྲས་རྒྱལ་པོ་གང་མཛད་པ་ལ། གློ་བ་འདྲིང་རེ། གཞན་མྱི་འོ་ཆོག་ལ་རྗོ་བོ་ལྷག་པ་ཚོལ་རེ།། གཞན་གློ་འདྲིང་བར་སེམས་པ་དང་བློད་(242)རེ།། ཟས་ཀྱི་དོན་བཞག་པ་དང་། དུག་བསྲེ་རེ། བཙན་པོ་ཁྲི་སློན་བཙན་ལ། ངག་སྣ་ཆིག་འཚལ་རེའ།། བདགི་ཕུ་མ་ནུ་དང་། བུ་ཚ་ལ་ལ་ཞིག་གིས།། སྙིང་རིངས་སུ་བྱེད་ན།། སྙིང་རིངས་སོ་ཞེས་ཀྱང་མྱི་འཐོལ་(243)རེའ། པུ་ནུ་སྙིང་རིངས་པའི་གྲོགས་བྱེད་རེ།། བཙན་པོ་ལ་གཞན་ཞིག་སྙིང་རིངས་པར་ཚོར་ན་ཡང་། མྱི་འཐོལ་རེ།། པུར་མྱི་མ་ནོངས་པ་ལ།། འཕྲའ་མ་དང་འཔྲག་དོག་མཆི་རེ།། སྤོན་དུ་བཅུག་ནའ། འབངས་སོ་ཆོག་ལ་སྙིང་སྙོམས་པར་མྱི་འཚལ་རེ།། བཙན་པོས་བཀའ་ཇི་སྩལད་པ་གཟུངས་སུ་མྱི་འཛིན་(244)རེ་ཞེས་བྲོ་སྩལད་ཏོ།། བྲོ་བོར་བ་ནི་དབྱི་ཚབ་དངོས་དང་། བུ་བ་སེ་དོ་རེ་ཉ་སྟོ། སྣང་ཏོ་རེ་སུམ་སྣང་། ཁྲི་སུམ་རྗེ་ཆུང་། མང་རྗེ་བཙན་ཟུང་།། ཚ་བོ་སྟག་ཁོ་རྗེ་མྱེས་སྣང་། མང་པོ་རྗེ་པུ་ཚབ་དང་བདུན་གྱིས་བྲོ་བོར་རོའ།།

      ལེའུ་དྲུག་པ།

      །་། བཙན་པོ་སྲོང་བཙན་སྒམ་པོའི་རིང་ལ། ཡབ་འབངས་ནྀའཁུས། ཡུམ་འབངས་ནྀ་ལོག གཉེན་ཞང་ཞུང་།མཛོ་སུམ་པ།། ཉག་ཉྀ། དགས་པོ།། རྐོང་པོ།། མྱང་པོ་ཀུན་ཀྱང་ལོག།། ཡབ་གནམ་རྀ་སློན་མཚན་དུག་བོན་ཏེ་བཀྲོངས་སོ།། སྲས་སྲོང་བརྩན་སྐུ་གཞོན་མ་ཕན་ཏེ།། གཟོད་མ་དཀུའ་བ་(245)དང་། དུག་པ་རྣམས་རབས་བཆད་དོ།། དེ་འི་རྗེས་ལ། དེ་འྀ་མྱི་ལོག་ཀུན་འབངསུ་སླར་བཀུག་གོའ། འུང་གྀ་འོག་དུ་མྱང་མང་པོ་རྗེ་ཞང་སྣང་གྀས། སུམ་པ་མཐའ་དག་དམགིས་གདབ་མྱི་དགོས་པར། ལུག་རྟུག་(246)གིས་སྒྱུ་ཕབ་སྟེ། ལྕེའྀ་ཐོར་ཐོ་ལ་བརྗོད་ནས། ཁྱྀམ་གྲངས་མ་ཤོར་པར་ཡོངས་ཀྱིས་འབངས་རྣལ་མར་(247)བཀུག་གོ།། འུང་གྀ་འོག་དུ་བཙན་པོ་ཞབས་ཀྱིས་བཙུགས་སྟེ། བཟང་(བྱང་)ལམ་དུ་མ་བྱུང་མ་དྲངས་པར། རྒྱ་དང་འ་ཞས་དཔྱའ་གཙལ་(གཅལ)ལོ།། ཐོག་མ་འ་ཞ་དེ་ནས་འབངས་སུ་མངའ་འོ།། འུང་གྀ་འོག་དུ་བཙན་པོ་སྲོང་བརྩན་དང་། མང་པོ་རྗེ་ཞང་སྣང་རྗེས་འབངས་ཀྱི་བར་དུ། ཁྱུང་པོ་སྤུང་སད་ཀྱིས་འཕྲའ་མ་བཅུག་སྟེ། བཙན་པོ་ཞ་སྔར། ཞང་སྣང་གློ་བ་མྱི་འདྲྀང་དུ་ནི་འདྲིང་ཞེས་གསལ་(གསོལ)ཏོ།། ཞང་སྣང་ལ་བཙན་པོ་མྱི་བཀྱོན་དུ་བཀྱོན་ཞེས་བྱས་སོ།། འུང་ནས། ཞང་སྣང་གྀ་གློ་བ་ལ།། ཁྱུང་པོ་སྤུང་སད་བདག་དང་ཤག་རག་པོ་(248)སྟེ། སྤུང་སད་ཟེར་བ་བདེན་སྙམ་ནས། བཙན་པོ་འི་བཀའ་བྱུང་ན་ཡང་། ན་(མ)ཞེས་བྱ་སྟེ། མཁར་སྤུར་བ་ཡང་བསྡིགས་སོ།། འུང་ནས་ཞང་སྣང་གི་བྲན། པ་ཚབ་གྱིམ་ཕོ་འཁུ་(249)སྟེ། ཞང་སྣང་བརླག་གོ།། མཁར་སྡུར(སྤུར)བ་ཡང་བཤིག་གོ།། འུང་གི་འི་འོག་དུ།། ཁྱུང་པོ་སྤུང་སད་ཟུ་ཙེས།། མྱང་ཞང་སྣང་བཙན་པོ་ལ་གློ་བ་རིངས་པ། ཟུ་ཙེ་ས་དཀུའ་བེལ་ཏེ། ཞང་སྣང་བཀུམ་སྟེ།། ཟུ་ཙེ་གློ་བ་ཉེ་འོ།། བཙན་པོའི་བློན་པོའི་ནང་ན།། ཁྱུང་པོ་སྤུང་སད་ཟུ་ཙེ་ལས་གློ་བ་ཉེ་བ་སྔོན་ཆད་མ་བྱུང་ངོ་།། ཟུ་ཙེ་འཛངས་ཤེ་ན་འཛངས།། དཔའ་ཞེ་ན་དཔའ་འོ།། ཆུ་གང་ཆེ་ཞེ་ན་ཆེ།། ཡང་བ་རིང་(250)ཞེ་ན་རིངོ་། མྱི་ཆིག་ལ་ཚོགས་དགུའ་ཚོགས་ན།། སྤུང་སད་ཟུ་ཙེའོ།། འུང་གི་འོག་དུ། བཙན་པོ་འདིའི་རིང་ལ་ལྟ་ཞིག ། རྒས་ཏེ་ཉི་མ་འདེར་གནང་ངོ་།། བཙན་པོ་ཞ་སྔར་ཁྱུང་པོ་སྤུང་སད་ཀྱིས་གསོལ་པའ། ། སྔོན་བཙན་པོའི་ཡབ་གནམ་རིའི་རིང་ལ།། བདགིས་རྩང་བོད་འབངས་སུ་བཀུག་པ་ལྟ་ཞིག ཡབ་ཀྱིས་སྤྱན་གྱིས་མ་གཟིགས། ཞབས་ཀྱིས་མ་བཆགས་ན།། བཙན་པོ་སྲས་ཀྱིས་སྤྱན་གྱིས་གཟིགས།། ཞབས་ཀྱིས་བཆག་སྟེ།། བདགི་སྡུམ་པ་(251)ཁྲི་བོམ་སུ། །དགྱེས་སྐྱེབས་སྟོན་མོ་གསོལ་དུ་ཇི་གནང་ཞེས་གསལ་(གསོལ)ནས།། བཙན་པོས་སྤུང་སད་གསོལ་བ་བཞིན་གནང་སྟེ།། མགར་ཡུལ་ཟུང་ཕོ་བྲངས་འདྲིང་བཀའ་སྩལ་ནས།། ཡུལ་ཟུང་ཁྲི་་བོམས་སུ་མཆིས་ཏེ། བརྟགས་ན།། དཀུ་གང་པུབ་པར་ཡུལ་ཟུང་གིས་ཚོར་ནས།། ཡུལ་ཟུང་སླར་བྲོསྟེ་བཙན་པོའི་སྙན་དུ་གསོལ་ཏེ།། ཡུལ་ཟུང་སླར་བྲོས་པའི་རྗེས་ལ།། ཁྱུང་པོ་སྤུང་སད་ལྕེབསྟེ་གུམ་ནས། མགོ་བཆད་དེ།། བུ་ངག་རེ་ཁྱུང་བསྐུར་ནས།། སྐུར་མཁར་པྱི་བར་མཆིས་སོ།།བཙན་པོའི་སྙན་དུ་ངག་རེ་ཁྱུང་གིས་གསོལ་པའ།། བདགི་ཕ་རྒས་ཀྱི་ལ་གར།། བཙན་པོའི་སྔར་གློ་བ་རིངས་ནས། ཚམས་བསྡལ་(252)བར་ཆད་པའ།། མགར་ཡུལ་ཟུང་ལ་འཐོར་བར་བགྱིས་པ་ལས། ཡུལ་ཟུང་གིས་ཀྱང་ཚོར་ཏེ། ཡུལ་ཟུང་ནི་སླར་མཆིས།། བདགིས་ཕ་བཀུམ་ནས།། མགོ་བཆད་དེ་མཆིས་ན། སྲིད་མྱི་བརླག་པར་ཇི་གནང་ཞེས་གསོལ་ཏོ།། བཙན་པོ་ཁྲི་སྲོང་བརྩན་གྱིས་ཀྱང་།། ངག་རེ་ཁྱུང་གིས་གསོལ་པ་བཞིན་གནང་སྟེ།།སྲིད་མ་བརླགོ།།

      ལེའུ་བདུན་པ།

      བཙན་པོ་ཁྲི་འདུས་སྲོང་།། སྐུ་ཆུང་ནས་གཞོན་གྱིས་ཀྱང་།། ཕག་རྒད་ལ་བཤན་གྱིས་མཛད། གཡག་རྒོད་སྒོག་དུ་བཅུག སྟགི་རྣ་བ་བཟུང་བ་ལ་སྩོགས་པའ།། ཐུགས་སྒམ་པའི་སྟེང་དུ། སྐུ་རྩལ་ཆེད་པོས་བསྣན་སྟེ། མྱི་དང་མྱི་འདྲའ་བར་འཕགས་པས།། ཉི་ངོག་རྒྱལ་པོ་ཐམས་ཆད་དང་། འབངས་མགོ་ནག་ཕྱོགས་ཀྱི།། མཚན་བླ་དགས་འཕྲུལ་གྱི་རྒྱལ་པོ་ཞེས་བཏགསྟེ། བཀའ་མཆིད་ཀྱི་དཔེར་བརྗོད་དོ།། མགར་ལ་སྩོགས་པ་བློན་པོ་ཁ་ཆིག་གློ་བ་འདྲིང་ན།། ཐུགས་སྒམ་པ་དང་།། དམུ་རྨོག་བརྩན་པོས་གཉེར་ནས།། གློ་བ་རིངས་པ་ཐམས་ཆད་བཀྱོན་ཕབ་སྟེ།། ཕྱག་ན་ཆབ་སྲིད་སྔོན་བས་ཀྱང་མཐོ།། དྲུ་གུ་ལ་སྩོགས་སྟེ་ཉི་ངོག་གཞན་འབངས་སུ་བཀུག་ཅིང་། དཔྱའ་ཕབ་པ་དང་། མཁར་སྲ་བ་ཕབ། ཡུལ་ཕྱུག་པོ་བཅོམ་སྟེ་ཆབ་སྲིད་ལེགས་པ་མང་པོ་ནི་འདིའི་ནང་དུ་མ་གཐོགས།། འུང་གི་འོག་དུ་འཇང་ལ་ཆབ་སྲིད་མཛད་དེ་མྱྭ་དཀར་པོ་དཔྱའ་ཕབ། མྱྭ་ནག་པོ་འབངསུ་བཀུག་པ་ལ་སྩོགསྟེ། རྒྱལ་པོ་འདི་ལས། དམུ་རྨོག་བརྩན་ཞིང་། ཆབ་སྲིད་མཐའ་སྐྱེས་པ་སྔན་ཆད་གདུང་རབས་ཀྱིས་མ་མཛད་དོ།།

      རྒྱལ་པོ་ཁྲི་ལྡེ་གཙུག་བརྩན་གྱི་རིང་ལ།། རྗེད་གཤིན་(253)ཆིས་(254)འཇམ་སྟེ། མྱི་ཡོངས་ཀྱིས་སྐྱིད་དོ།། བློན་ཆེ་སྟག་སྒྲ་ཁོང་ལོད་དང་། རྗེ་བློན་མོལ་ནས།། རྒྱལ་པོ་ཞབས་ཀྱིས་བཙུགས་ཏེ།། དེ་ཙམ་ན་རྒྱའི་སྲིད་ཆེས་ནས། བྱང་ཕྱོགས་ཀྱི་དྲུ་གུ་ཀུན་ཀྱང་འདུས་ལ།། ཏ་ཟིག་ལ་ཐུག་པ་མན་ཆད་རྒྱའི་ཁམས་སུ་གཐོགས་སྟེ།། རྒྱའི་ནོར་མང་པོ་སྟོད་ཕྱོགས་སུ་འདོན་པ་རྣམས།། ཀྭ་ཅུ་ན་ཚོགས་བྱས་པ་ལས།། ཐམས་ཆད་བོད་ཀྱིས་ཕབ་སྟེ་བཞེས་པས།། བླར་ཡང་དཀོར་མང་པོ་བརྙེས་(255)།། འབངས་མགོ་ནག་པོས་ཀྱང་། རྒྱ་དར་བཟང་པོ་ཁྱབ་པར་ཐབ་པོ།། ལྷོ་ཕྱོགས་ཀྱི་སྨད་ན་འཇང་དུམ་མྱྭ་དཀར་པོ་ཞེས་བྱ་བའི་རྒྱལ་པོ་སྡེ་མི་ཅུང་བ་ཞིག་འདུག་པ། རྒྱལ་པོ་ཐུགས་སྒམ་པོའི་རླབས་དང་ཐབས་ཀྱིས་བཀའ་སྩལ་ཏེ། མྱྭ་འི་རྒྱལ་པོ་ཀག་ལ་བོང་ཞེས་བྱ་བ། འབངས་སུ་པྱག་འཚལ་ནས། ཐབས་གཅུང་སྩལཏེ། མྱི་མང་གི་སྣོན་བཏག ཡུལ་ཆེའི་ནི་འདབ་བསྐྱེད་དོ།། (འ)ཇང་གི་རྒྱལ་པོ་བོད་ཀྱི་འབངས་སུ་བཞེས་པས། རྒྱའི་ཆབ་སྲིད་ལ་ཡང་ཤིན་དུ་དམའ་ཞིང་། མྱི་བདེ་བར་བྱས་སོའ།། འཇང་མྱྭ་འི་རྒྱལ་པོ་ལྟ་ཞིག་རྒྱ་ལ་ལྟ་ལྟ་བ་ལས།། རྒྱ་རྗེས་དགྲར་

      བླངསྟེ།། བཙན་པོ་ཁྲི་ལྡེ་གཙུག་བརྩན་གྱི་ཞ་སྔར་བློ་བ་ཉེ་ནས།། རྒྱ་ཡུལ་ཕབ་ཀྱིས་ནི་ཡུལ་དང་།། མཁར་དུ་བཆས་ཏེ་ཕུལ།། གཡུལ་སྤྲད་ཀྱིས་ནི།། རྒྱ་བཙོན་ལུག་(256)ལྟར་བསྐྱངས་སོའ།། འུང་ནས། བཙན་པོ་ཁྲི་ལྡེ་གཙུག་བརྩན་གྱི་ཞ་སྔར།། ཕང་དང་གི་ཁང་མོ་ཆེར།། ཀག་ལ་བོང་གི་བློན་པོ། དྭན་ཅུང་ཀོག་ཕྱག་འཚལ་བའི་ཚེ།། བཙན་པོ་རྗེ་འབངས་ཀྱིས་མགུར་བླངས་པའི་ཚིག་ལ།།

      དགུང་སྔོ་ནི་བདུན་རིམ་གྱི།།

      ལྷ་ཡུལ་ནི་གུང་དང་ནས།།

      ལྷ་སྲས་ནི་མྱི་འི་མགོན།།

      མྱི་ཡུལ་ནི་ཐམས་ཆད་དང་།

      མྱི་མཚུངས་ནི་མྱི་འདྲའ་སྟེ།།

      ཡུལ་མཐོ་ནི་ས་གཙང་བས།།

      བོད་ཡུལ་ནི་གཤང་(གཤམ)དུ་གཤེགས།།

      མྱི་ཡུལ་ནི་ཀུན་ཀྱི་རྒྱལ།།

      ཆོས་བཟང་ནི་གཙུག་ཆེས་བས།།

      རྒྱལ་པྲན་ནི་ཀུན་ཀྱང་འདུས།།

      ན་ནིང་ནི་གཞེ་ནིང་སྔ།།

      ཆབ་ཆབ་ནི་མ་གཞུབ་ནས།།

      ལ་བོང་ནི་རྗེ་དང་སྐོལ།།

      བློ་ཆེ་ནི་དཀྱེལ་(257)མཁས་ལ།།

      རྒལ་མཁས་ནི་ཁོང་དཔའ་བས།།

      རྒྱ་རྗེ་ནི་བསམ་ལང་ལ།།

      དགྲའ་བཞེར་ནི་གཡུལ་སྤྲད་ཅིང་།།

      དགྲ་ཟིན་(258)ནི་གསར་སྤངས་པས།།

      སྲིད་ཀྱི་ནི་མགོ་བཟུང་ཞིང་།།

      ཕ་སྐྱབས་ནི་སྡུག་བཙལ་པའ།།

      ལྷ་སྲས་ནི་བཙན་ལ་ཙལ །།

      ལྷ་སྲས་ནི་གཙུག་ཆེ་ལ། །

      ཆོས་བཟང་ནི་རྗེད་གཤིན་ཞིང་།།

      བཀའ་དྲང་ནི་གསུང་རྟག་ལའ།།

      ལ་བོང་ནི་སྲིད་གསོལ་བའ།།

      མྱི་སྲིད་ནི་ལྷས་མཛད་ཀྱིས།།

      ལ་བོང་ནི་རེ་(རྗེ)དང་སྐོལ།།

      དཔའ་འི་ནི་ལས་བྱས་པའ།།

      རྒྱ་མཁར་ནི་མཐོའ་བཤིག་ཅིང་།།

      རྒྱ་འབངས་ནི་མང་བསྡུས་ནས།།

      ཡུལ་དང་ནི་སྡེར་བཆསྡེ།

      བོད་ཡུལ་ནི་ཐིལ་དུ་བགྱིས(259)།

      ཡར་ཏེ་ནི་གནམ་ཡང་དགྱེས།

      མར་ཏེ་ནི་ས་ཡང་དགའ།

      ལ་བོང་ནི་རྗེ་དང་སྐོལ།

      ཇེ་ཉེ་ནི་ཇེ་ཉེ་འོ།

      ལྷ་ཉེ་ནི་གུང་དང་ཉེ།

      ཇེ་བརྟན་ནི་ཇེ་བརྟན་ན།

      ཤམ་པོ་ནི་གཉན་ལ་བརྟན།

      དེ་རིང་ནི་སང་ལྟ་ན།

      ཅུང་ཀོག་ནི་དཔོན་དང་གཡོག

      གནམ་ས་ནི་ཡིད་སྦྱོར་བ།

      ན་བུན་(260)ནི་ལྷ་འི་སྦུབས(261)།

      འགེང་(འགྲེང)གང་ནི་ཀུན་ལ་དཔེན།།

      སྔ་བསྲུས་ནི་པྱིས་བསྐྱལ་ཞིང་།

      ཀླུ་བླངས་ནི་བྲོ་བརྡུངས་པའ།

      དགོས་ཀྱིས་ནི་རིམ་གྲོ(262)བགྱིས།།

      རྩོམ་འཇུག་པ།རྟ་མགྲིན་དཔལ།