ཐུར་ཁེའི་ཚོང་ཟོག“རྒྱུད་གཅིག་ལམ་གཅིག”བརྒྱུད་མཚོ་བོད་ས་མཐོར་འཚོང་བ།

      ཡོང་ཁུངས། : མི་དམངས་དྲ་བ།      སྤེལ་དུས། : 2017-06-19 16:18:19      རྩོམ་སྒྲིག་པ། : ཡེ་ཤེས །

              མི་དམངས་དྲ་བའི་འཕྲིན། ཧུད་རིགས་ཀྱི་བུ་མོ་མཱ་ཞའོ་དབྱིང་ནི་མཚོ་སྔོན་མུའུ་མོང་གི་ཐུར་ཁེའི་ཚོང་གྲོང་གི་ཉོ་སྒྲུབ་སྣེ་ཤན་པ་ཡིན་པ་དང་ཁོང་གི་ཚོང་སྒྲོམ་ཐོག་སི་རི་ཡ་ནས་ནང་འདྲེན་བྱས་པའི་དྲི་ཞིམ་དག་རྫས་དང་ཐུར་ཁེ་ནས་ནང་འདྲེན་བྱས་པའི་རྒྱ་སེ་མེ་ཏོག་གི་མཛེས་འཆོས་བྱུག་རྫས་སོགས་ཚོང་ཟོག་བསྒྲིགས་ཡོད། མཱ་ཞའོ་དབྱིང་གིས་ཚོང་ཟོག་དེ་དག་ལ་མུའུ་སི་ལིན་གྱི་བུད་མེད་ཚོས་ཧ་ཅང་དགའ་པོ་བྱེད་ཀྱི་འདུག་ཅེས་བཤད།

        “ཚོང་ཟོག་དེ་དག་གིས་འཛད་སྤྱོད་པ་ཚོ་རྒྱལ་མཚམས་སྒྲོལ་མ་དགོས་པར་ཐུར་ཁེའི་ཚོང་ཟོག་ཉོ་ཐུབ་ལ་སྐྱེ་བོ་དེ་བས་མང་བས་གཞན་ཡུལ་གྱི་ཁྱད་ཆོས་ལྡན་པའི་ཐུར་ཁེའི་རིག་གནས་མྱོང་རོལ་ཡང་བྱེད་ཐུབ”ཅེས་མཱ་ཞའོ་དབྱིང་གིས་བཤད།

        མཚོ་སྔོན་མུའུ་མོང་ཐུར་ཁེའི་ཚོང་གྲོང་ནི་མཚོ་སྔོན་ཟི་ལིང་ཁྲོམ་གཞུང་ཤིན་ཆན་རྒྱལ་སྤྱིའི་རྐང་ཐང་ཁྲོམ་གཞུང་དུ་ཆགས་ཤིང་། དེའི་ནང་ཐུར་ཁེའི་ཟས་རིགས་དང་། རྒྱན་གོས། མི་རིགས་ཀྱི་སྤྱོད་རྫས་སོགས་ཡོད། མཚོ་སྔོན་མུའུ་མོང་ཚོང་དོན་ཀུང་སིའི་གཞུང་ལས་ཁང་གི་ཀྲུའུ་རེན་ཉན་ཞའོ་ཅའོ་ཡིས་ཚོང་གྲོང་ནང་གི་སྐྱུ་རུའི་སྣུམ་དང་ཐུར་ཁེའི་ཁྱད་ལྡན་གྱི་ཟས་རིགས་སོགས་ལ་འཛད་སྤྱོད་པས་ཧ་ཅང་དགའ་པོ་བྱེད་ཀྱི་ཡོད་ཅེས་ངོ་སྤྲོད་བྱས་པ་རེད།

        ཉན་ཞའོ་ཅའོ་ཡིས་ཚོང་གྲོང་འདི་སྒོ་ཕྱེ་ནས་ལོ་གཅིག་ལྷག་ཙམ་འགྲོ་གི་ཡོད། ན་ནིང་སྒོ་ཕྱེ་སྐབས་ཀྲུང་གོར་བཅའ་སྡོད་ཐུར་ཁེའི་གཞུང་ཚབ་ཆེ་མོ་ཁང་གི་ཚོང་དོན་ཚན་ཙན་ཐུར་ཁེའི་ཞིང་ལས་པུའི་མཐོ་རིམ་དཔོན་རིགས་ཀྱིས་མཉམ་དུ་དཔང་པོ་བྱས་ཡོད་ཅེས་བཤད།

        མཚོ་སྔོན་ཞིང་ཆེན་ཚོང་དོན་ཐིང་གི་ཐིང་ཀྲང་ཧྲང་ཡུས་ལུང་གིས་2015ལོར་མཚོ་སྔོན་ཞིང་ཆེན་དང་དར་གོས་ལམ་བུའི་ལམ་རྒྱུད་རྒྱལ་ཁབ་ཀྱི་ཚོང་དོན་དངུལ་གྲངས་ཨ་སྒོར་དུང་ཕྱུར་4ཟིན་པ་དང་ཐོན་ལས་གསུམ་པས་ཕྱི་དངུལ་སྤྱད་པ་དེས་2010ལོའི་5%ནས་2015ལོའི་66%བར་འཕར་ཡོད་ཅེས་བཤད། “‘རྒྱུད་གཅིག་ལམ་གཅིག’གི་གྲོས་འགོར་སྐུལ་འདེད་གཏོང་བ་དང་བསྟུན་ནས་མི་རིགས་ཀྱི་ཁེ་ལས་མང་དག་གཅིག་གིས‘ནུབ་ལ་ཕྱོགས་པའི’རྒྱལ་སྤྱིའི་མིག་རྒྱང་ཇེ་ཡངས་སུ་བཏང་ནས་ལམ་རྒྱུད་རྒྱལ་ཁབ་དབར་ཚོང་དོན་འགྲོ་འོང་དང་རིག་གནས་སྤེལ་རེས་ཟབ་ཏུ་གཏོང་བའི་གོ་སྐབས་གསར་པ་འཚོལ་གྱི་ཡོད”ཅེས་ཧྲང་ཡུས་ལུང་གིས་བཤད་པ་རེད།